Тўлқин эшбеков хуршид эшов ахборот ва мураббийлик соатлари сабоқлари

Июн ойида ўқиш учун тавсия этиладиган адабиётлар

1-босқич учун:	Эркин Самандар “Тангри қудуғи”
2-босқич учун:	Асад Дилмурод “Шердор”, “Маҳмуд Таробий”
3-босқич учун:	Луқмон Бўрихон “Жазирамадаги одамлар”
4-босқич учун:	Улуғбек Ҳамдам “Исён ва итоат”, “Мувозанат”.

2-ҳафта.


Тинчлик-осойишталик – фаровон ҳаётимиз асоси


1-босқич (20 дақиқа) Мамлакатимиз ва жаҳонда амалга оширилаётган ислоҳотлар, янгиликлар ҳақида талабалардан сўралади. Олий ва ўрта махсус таълим вазирлиги томонидан тақдим этилган “Ахборот соатлари” ва “Мураббийлик соатлари” учун берилган материаллар билан таништирилади.
Кейинги ҳафтага қадар мамлакатда ва жаҳонда юз бераётган янгиликлардан ўзлаштириб келиш дақиқа).
2-босқич(20 дақиқа). Дунёнинг турли ҳудуд ва минтақаларида қарама-қаршилик ва зиддиятлар кучайиб, фашизм, миллатчилик, шовинизм каби хавфли офатларнинг пайдо бўлаётганлиги, мамлакатимизда юртимизда ҳукм сураётган тинчлик ва осойишталикнинг қадрига етиш лозимлиги, тинчликни янада мустаҳкамлаш йўлида ўзаро аҳил ва ҳамжиҳат бўлиб, қаттиқ курашиш лозимлиги тушунтирилади. Ўзбекистон Республикасининг тинчлик ва ҳамкорликка асосланган илғор ташқи сиёсат олиб бораётганлиги, унинг асосий мақсади минтақада тинчлик ва хавфсизликни таъминлаш орқали глобал барқарорликка эришиш мумкинлиги айтилади.
3-босқич(20 дақиқа). Талаба-ёшларга фаҳм-фаросатлилик фазилати ҳақида тушунча бериш.
Фаҳм-фаросат – оддий турмуш ҳодисаларида ҳам, мураккаб ҳаётий муносабатларда ҳам муайян ҳолатни, вазиятни идрок ёрдамида тез англай билиш. Фаҳм-ақл, идрок билан боғлиқ ҳодиса эканлиги тушунтирилади.
4-босқич (20 дақиқа). Талабаларнинг қайси босқичдалигига қараб қуйидаги китоблардан бири талабалар ўртасида тарғиб қилинади. Улардан шу китоб ҳақида сўралади. Билганлар бўлса мазмуни сўралади. Акс ҳолда қисқача мазмуни айтиб берилади ва шу орқали уларни шу китобни ўқишга қизиқтирилади.