Toshkent axborot texnologiyalari universiteti nukus filiali

Bitiruv  malakaviy  ishining  dolzarbligi:

  O`zbekiston  Respublikasi  aloqa 

tarmoqlaridagi  dolzarb  muammolardan  biri  bu  kirish  tarmoqlarini  hozirgi  kunda 

talab  qilinayotgan  xizmatlarni  ko`rsata  oladigan  texnologiyalar  bilan  jihozlashdir. 

Bu  sohada  asosan  ikkita  katta  yo`nalishda  ishlar  amalga  oshirilmoqda.  Birinchi 

yo`nalish  simli  aloqa  jihozlari  bilan  kirish  tarmoqlarini  rivojlantirish  bo`lsa, 

ikkinchi  yo`nalish  esa  mobil  aloqa  tarmoqlarida  4G  avlodining  tarmoq  qurish  

texnologiyasi LTE  ni tadbiq etishdir.       

Ammo  bizga  ma`lumki,  simli  aloqa  vositalari  statsionar  bo`lmagan 

foydalanuvchilar  ehtiyojlarini  qondira  olmaydi.  Shu  sababli  simsiz  aloqa 

yo`nalishiga ham katta e`tibor bergan holda mobil aloqa operatorlariga o`zlarining 

tarmoqlarini  ichki  va  tashqi  imkoniyatlaridan  foydalangan  holda  qurishga  keng 

yo`l  ochib  berilgan.  Buning  natijasida,  hozirda  bir  qancha  o`zaro  raqobatdosh 

mobil  aloqa  kompaniyalari  faoliyat  yuritib  kelmoqda.  Ushbu  mobil  aloqa 

operatorlari  orasidagi  raqobat  tufayli  ko`rsatilayotgan  xizmatlar  narxi  tushib, 

ularning turi ko`paymoqda.      

Xizmatlar  turini  ko`paytirish  uchun  albatta  tarmoqni  yangi  texnologiyalar 

bilan jihozlash kerak.  

    Bitiruv  malakaviy  ishining  maqsadi:    Mobil  aloqa  tarmoqlarida  kirish 

tarmog`ining yangi texnologiyalaridan biri bo`lgan LTE texnologiyasi arxitekturasi 

va  ushbu  texnologiya  asosida  kirish  tarmog`ini  loyihalashtirish  muammolarini 

o`rganishdan iborat.