57
3-Bob. Iqtisodiyotni modernizatsiyalash sharoitida firmaning raqobat
strategiyasi va taktikasini takomillashtirishning asosiy yo’llari
3.1. OATB “Mikrokreditbank”da zamonaviy raqobat strategiyalari va
taktikalarini takomillashtirishning asosiy yo’nalishlari
OATB “Mikrokreditbank”da raqobat ustunligiga bank faoliyatning alohida
turlarini qanday tashkil qilish va bajarishidan kelib chiqib erishiladi. Har qanday
bankning harakatlari turli shakllarga bo’linadi. Masalan, kredit berish bo’yicha
mutaxassislar telefonda so’zlashuvlar olib boradi, xizmat ko’rsatish bo’yicha
texniklar mijozning xohishiga ko’ra ta’mirlash ishlarini bajaradilar,
laboratoriyadagi olimlar yangiliklar yoki jarayonlar ishlab chiqadilar,
moliyachilar kapitalni ko’paytiradilar.
Bu faoliyat vositasida banklar o’z mijozlari uchun ma’lum qimmatliklar
yaratadilar. Bank yaratgan so’nggi qimmatlik qancha mijoz bank taklif qiladigan
xizmatlar uchun haq to’lashga roziligi bilan belgilanadi. Agar bu summa butun
zarur faoliyatga ketgan xarajatlar yig’indisidan ortiq bo’lsa, u holda bank
rentabellidir. TIFda raqobat ustunligini qo’lga kiritish uchun firma yo
xaridorlarga raqobatchilar berayotgani kabi qimmatliklar berishi, lekin tovarni
kamroq xarajat qilib ishlab chiqarishi kerak.
Moliya-bank xizmatli bozorida raqobatning shakllariga tavsif berar
ekanmiz, bunda ularning tovar bozoridagi raqobatga nisbatan quyidagi asosiy
farqli jixatlarini ko’rsatib o’tishimiz mumkin:
- moliya-bank xizmatlari bozorida raqobatchi sifatidan faqatgina tijorat banklari
emas, balki, moliya-bank xizmatlari ko’rsatuvchi muassasalari xam ishtirok
etishlari mumkin;
