Toshkent davlat sharqshunoslik universiteti sharq sivilizatsiyasi va tarix fakulteti

O‘ZBEKISTON RESPUBLIKASI OLIY VA O‘RTA MAXSUS
TA’LIM VAZIRLIGI

TOSHKENT DAVLAT SHARQSHUNOSLIK UNIVERSITETI

SHARQ SIVILIZATSIYASI VA TARIX FAKULTETI

KURS ISHI

Mavzu: XIX asrda Xitoyning yarim mustamlakaga aylanishi

Bajardi: “Markaziy Osiyo xalqlari tarixi”
yo‘nalishi 4-kurs fors-ingliz 1 guruh talabasi Abdunabiyev Shavkatbek


Qabul qildi: PhD

Toshkent – 2022

Mundarija:
Kirish………………………………………………………………………………………3
I.Bob.Xitoyda Sin monarxiyasi hukmronligining o’rnatilishi……..8
1.1.Xitoy xalqining feodal tartiblar va manjur bosqinchilariga….. qarshi kurashi.
1.2. Sin sulolasi hukmronligidagi Xitoyning ijtimoiy-iqtisodiy va siyosiy ahvoli (XVII-XIX asr boshi).
II.Bob.Sin imperiyasining g’arb davlatlari yarim mustamlakasiga aylanishi.
2.1. Xitoyning yarim mustamlaka asoratiga solina boshlashi.
2.2. Sinlar monarxiyasi feodal tartiblariga va mustamlakachilikka qarshi Xitoy xalqi milliy ozodlik kurashini boshlanishi.
2.3. Xitoyda monarxiyani ag’darilishi. Respublika ta’sis etilishi. ;

Xulosa…………………………
Dars ishlanma………………………
Foydalanilgan adabiyotlar ro’yxati…………………….





Kirish.
Mavzuning dolzarbligi. XX asrning oxiriga kelib, butun jahon ijtimoiy- siyosiy hayotida muhim o’zgarishlar yuz berdi. Jahon siyosiy xaritasida yangi mustaqil davlatlar paydo bo’ldi. Yangicha fikrlash, tarixiy voqealarni xolisona tahlil qilish kuchaydi. Tarixda xalq ommasining va shaxsning roliga baho berishda ob’ektiv tendentsiyalar vujudga keldi. Prezidentimiz Islom Abdug’anievich Karimov o’zining “Tarixiy xotirasiz kelajak yo’q” nomli asarida mana shu masalalarga atroflicha to’xtalib, tarixiy voqealarni xolisona yoritishga “butun tarixning tag-tomirigacha, ildizigacha nazar solishga”1 da’vat etadi. O’zbekiston Prezidenti jumladan, tarixda shaxsning roliga yangicha yondoshuv pozitsiyasini bayon etadi. Tarixda shunday shaxslar borki, ular o’z mamlakatining ravnaqi, gullab-yashnashi uchun munosib hissa qo’shib, tarixiy madaniy yodgorliklar yaratib, o’sha davrlar haqida turli asarlar, qonunlar, esdaliklar yozib jahon madaniyatini, ma’rifatini boyitishga ulkan hissa qo’shganlar. Shunday shaxslar borki, ular o’zlaridan faqat vayronalik, xalqlar boshiga bitmas-tuganmas kulfatlar solib, tarixiy madaniy yodgorliklarni yo’q qilib, jahon madaniyatiga, ma’rifatiga faqat zarar keltirganlar. O’zbekiston Prezidenti ana shunday tarixiy shaxslar haqida fikr yuritib, ularni bir-birlariga qiyoslab, taqqoslab ko’rsatadi.Jumladan, bobokalonimiz Amir Temur, Mirzo Ulug’bek, Mirzo Bobur va boshqalar haqida fikr yuritib, ularning jahon madaniyati xazinasiga qo’shgan munosib hissalarini alohida ta’kidlaydi. Jumladan, Amir Temur haqida gapirib, uning Samarqand, Shahrisabz va boshqa joylarda bunyod etgan tarixiy-madaniy yodgorliklari, Turkistondagi Xoja Ahmad Yassaviy maqbarasini tiklash haqidagi hatti-harakatlarini alohida ta’kidlaydi. Yurtboshimiz bu o’rinda Amir Temur shaxsini Chingizxonga qiyoslaydi. Xo’sh, Chingizxondan nima qoldi? Undan faqat vayronalik, kulfat qoldi. U mavjud madaniyatni ham yo’q qilmoqchi bo’ldi. Ana, tarixda ikkita shaxsning o’ynagan roli va tutgan o’rni. Prezidentimiz “Tarixiy shaxslarning xizmati ularning Vatan, millat ravnaqi yo’lida qilgan xizmatlari bilan belgilanadi” deb ta’kidlaydi. Biz Prezidentimiz asarlariga bejizga murojaat qilmadik. Chunki biz olib borayotgan bitiruv malakaviy ish darajasidagi tadqiqotimiz aynan tarixda bir tarixiy shaxsning tutgan o’rniga bag’ishlanmagan bo’lsa ham, Xitoy tarixida butun bir tarixiy davrni (salkam uch yuz yillik) o’z ichiga olgani bois, bu davrda manjurlarning Sin sulolasi vakillari, shuningdek xalq orasidan yetishib chiqqan tarixiy shaxslarni, jumladan, Xitoy xalqi ardoqlab kelayotgan buyuk demokrat Sun Yat-sen kabi shaxslarni o’rnini xolisona, hozirgi kun talablari darajasida o’rganishga bag’ishlanganligi bilan dolzarblik ahamiyatiga ega deb o’ylaymiz.