Tekshirish uchun savollar
1. Gaz suyuqlikdan o‘zining qanday hususiyatlari bilan farq qiladi?
2. Qatlam sharoitida to‘yinganlik bosimining ahamiyati va undan samarali foydalanish usullari qanday?
3. Tabiiy va ideal gazlarning orasidagi farq nimadan iborat?
4. Qanday tarzlarni (rejimlarni) biz tabiiy rejimlar deymiz?
5. Qatlamga ta’sir qilishning qanday usullari mavjud?
6. Aralash rejim deganda siz nimani tushunasiz?
MA’RUZA №11
Gazkondensat konlarini ishlatish usullsri
Ma’ruza rejasi
11.1. Gazkondensat konlarini ishlash tizimlarini loyihalashtirish asoslari
11.2. Gazkondensat konlarining qiskacha tavsifi
11.3. Uyum so‘nish tarzlarida ishlanishi shartlarining tavsifi.
11.4. Gazkondensat konlarini qatlam bosimini saqlash bilan ishlashning o‘ziga xosligi.
11.5. Saykling-jarayon
Tayanch so‘zlar
Kondensatsiyalanish, teskari bug‘lanish, barqaror kondensat, xom kondensat, qatlamdan gazni siqib chiqarish, ishlatish obyektini.
11.1. Gazkondensat konlarini ishlash tizimlarini loyihalashtirish asoslari
Gazkondensat uyumlarini ishlashda (toza gaz uyumini ishlatishdan farq qilib) ko‘pincha konda gazni qazib chiqarish va qayta ishlash jarayonlari birlashtirilgan. Shunday qilib, geolog, burg‘ilovchi, ishlatuvchi va qayta ishlovchi ish yuzasidan uzluksiz bog‘liq bo‘lgan korxona yuzaga keladi. Gazkondensat konini ishlatish uchun barcha jihozlar boshlang‘ich xarajatlar bo‘yicha juda ham qimmat, chunki yemiruvchi zarrachalarning faolligi kuchli bo‘lgan yuqori bosimda yuqori sifatli metall talab qilinadi. Bundan tashqari jihozlarga yuqori kvalifikatsiyadagi malakali mutaxassislar xizmat ko‘rsatishi kerak. Bu barcha xarajatlar agarda gaz tarkibida yetarli miqdorda kondensat bo‘lgan hollardagina o‘zini oqlaydi. Gazkondenat konini ishlashni loyihalashtirish - kon geologiyasi, yer osti gazogidromexanikasi va tarmoq iqtisodiyoti ma’lumotlaridan foydalanish asosida yechish mumkin bo‘lgan kompleks masala. Gazkondensat konlarini ishlash malakasi shuni ko‘rsatadiki, loyihalashtirishni ikki usulini qo‘llash mumkin:
1) qatlamga ishchi agentni haydash orqali qatlam bosimini saqlash;
2) qatlam bosimini saqlamasdan.
Loyihalashtirish usulini tanlashga quyidagilar ta’sir qiladi:
1) xom gazni sanoat ahamiyatidagi zahirasi;
2) bosimni tushirish natijasida xom gazdan ajraladigan kondensatni miqdori va tarkibi;
3) qatlamni ishlash tarzi;
4) qatlamning g‘ovakliq o‘tkazuvchanliq litologik tarkibi va b. bo‘yicha bir xilligi.
Kollektorlarning fatsial o‘zgaruvchanligi yuqori, yoriqlar va tektonik buzilishlar bo‘lgan tarang-suv siquv tarzi sharoitida va xom zahirasi yetarli bo‘lmagan konni ishlashni qatlam bosimini saqlashsiz, ochiq sikl bo‘yicha loyihalashtiriladi. Olingan gazni 30-92% iga teng bo‘lgan miqdorgacha qatlamga quruq gaz haydaladi. Ko‘pincha ishchi agentni qatlamga haydash quduqlar tubidagi bosim to‘yinish bosimiga yaqin qolganda boshlanadi.
Bosimni saqlash uchun qatlamga haydaladigan ishchi agent sifatida quruq gaz, havo va suv haydash mumkin. Qatlamga havo haydash quruq gazga nisbatan ko‘p miqdorda ishlatish xarajatlarini talab qiladi. Gazsimon ishchi agentni qatlamga haydash uchun ishlatish xarajatlarini asosan siqish darajasi belgilaydi:
r =Рч/Рк
bu yerda: r - siqish darajasi; Rch/ Rk- mos ravishda kompressordan chiqish va kirish bosimlari.
Quruq gazni qatlamga kompressorlar orqali g = 2 siqish darajasi bilan qaytariladi, havoni esa ko‘p bosqiichli kompressorlar bilan g = 150-300 va undan ham yuqori siqish darajasi bilan qatlamga haydaladi. Havoni qatlamga haydash gazkondensat konini bir siklda ishlashga va barcha quruq gazni yoqilg‘i va kimyo sanoati uchun xom-ashyo sifatida ishlatishga imkon beradi. Biroq bunda havoning gaz bilan ko‘shilish hududlarida quruq gaz yo‘qotishlarini baholab bo‘lmaydi.
Do'stlaringiz bilan baham: |
