Toshkent davlat texnika universiteti «neft va gaz konlarini ishga tushirish va ulardan foydalanish» kafedrasi «neft va gaz qazib olish texnika va texnologiyasi»

Tekshirish uchun savollar
1. Gidravlik yorish usuli qanday maxsuldor qatlamlarda olib boriladi?
2. Qatlamni yorish uchun quduq tubi bosimi qanday aniqlanadi?
3. Qatlamni gidravlik yorishda yoruvchi suyuqlik sifatida qanday
suyuqlikdan foydalaniladi?
4. Maxsuldor qatlamni yoruvchi suyuqliklar qovushqoqligi qancha
bo’lishi kerak?
5. Qum suyuqlik aralashmasi yordamida qatlam qanday teshiladi?
6. Maxsuldor qatlamga tuz kislotali ishlov berish nimaga asoslangan
va qanday o’tkaziladi?
7. Kislotali ishlov berish usullarini qanday turlari mavjud?
8. Qatlamga ishlov berishda kislota konsentrasiyasi nechaga teng
bo’lishi kerak?
9. Kislota eritmasi tarkibiga yana qanday kimyoviy elementlar
qo’shiladi?
10. Kislota eritmasi qanday tayyorlanadi?
11. Issiqlik kimyoviy ishlov berish nimaga asoslangan va qanday olib
boriladi?
12. Quduq tubiga issiqlik usulida ta’sir etish usullarini aytib bering?


MA’RUZA №14
Mavzu: Neft va gaz quduqlarini tadqiqot etish.
Ma’ruza rejasi
14.1. Quduqlarni va qatlamlarni tadqiqot etish usullari.
14.2. Quduqlar ishini tadqiqot etish.
14.3. Quduqlar ishini texnologik rejimi.
Tayanch iboralar:
Gidrodinamik, termodinamik, gidrokimyoviy, giofizik tadqiqot, idikator chizig’i, neft beraoluvchanlik koeffitsienti, depressiya.
14.1. Quduqlarni va qatlamlarni tadqiqot etish usullari
Quduqda gidrodinamik va termodinamik tadqiqot etish, boshqa maxsus tadqiqotlar(gidrokimyoviy, giofizik)asosida qatlamning sizish ko’rsatkichlarini aniqlash uchun chuqurlik o’lchov ishlari o’tkazishdir. Aloxida quduq yoki quduqlar guruxida tadqiqotishlarini olib borishdan olingan natija, qatlam va qatlam tizimini tadqiqotlashning umumiy kartinasini tashkil etadi. Bu deganimiz quduqni tadqiqot etish qatlamni tadqiq etishning omili hisoblanadi. Kon tadqiqot natijalarini ishlov berishda olingan sizish ko’rsatkichlari neft qazib olish texnologiyasi, ishlash va zaxirani hisoblash masalalarini echishda qo’llaniladi.
Tadqiqot qilishning eng asosiy turlaridan bo’lgan gidrodinamik va termodinamik usullaridan eng birinchi rivojlana boshlagan usuli gidrodinamik usuli hisoblanadi.
Kon tadqiqot ishlari quduqning muayyan rejimida ishlashida yoki muayyan oqimda ham, xuddi shu kabi nomuayyan oqimda (to’xtatilgandan keyin,ko’shish vakti yokirejimni o’zgarishida) ham bir xil o’tkaziladi.