Toshkent moliya institute Buxgalteriya hisobi va audit fakulteti

Toshkent moliya institute Buxgalteriya hisobi va audit fakulteti

Fan: Audit

Mavzu: Хўжалик юритувчи субеъктида ички аудитнинг аҳамияти

Бажарди ХБА 84-грух Оловиддинов Зухриддин

Хўжалик юритувчи субеъктида ички аудитнинг аҳамияти

Режа

• Хўжалик юритувчи субъектларда ички аудит хизматининг аҳамияти
• Хожалик субектларида ички аудитни ташкил этишнинг асосий сабаблари
• Ички аудит иши самарадорлигини баҳолаш
• Ички аудитнинг мақсадлари вафунксиялари

Хўжалик юритувчи субъектнинг рақобатбардошлигини ошириш узоқ муддатли истиқболда унинг иқтисодиётини муваффақиятли ривожлантиришнинг муҳим шарти ҳисобланади. Рақобатбардошлик иккита асосий омилдан ҳосил бўлади – капитални қулай шароитларда жалб қилиш ва мавжуд ресурслардан самарали фойдаланиш. Ички аудит хўжалик юритувчи субъект молиявий-хўжалик фаолияти самарадорлигини ошириш имкониятларини аниқлашнинг энг қулай воситаларидан бири бўлиб, у, ўз навбатида, корхонанинг рақобат жиҳатдан устунлигини таъминлаши мумкин.

Хўжалик юритувчи субъектларда ички аудит хизматининг аҳамияти

• Хўжалик субъектининг жорий ҳолатини баҳолаш. Бунда акциядорлар (таъсисчилар) умумий йиғилиши ва Кузатув кенгашининг ички аудит бўйича амалда бўлган низомлар, белгиланган талаблар, жараёнлар ва ички назорат тизимига бўлган ишончи таъминланади. Жорий ҳолатни баҳолашда асосан мавжуд лойиҳалар, келишувлар ва жараёнларга эътибор қаратилади. Ички аудит хизмат ўзининг аниқ услубиёти ва қўлланилган амаллари асосида хўжалик субъекти фаолиятини ҳамда корпоратив бошқарув масалаларини ўрганади.
• Корхона фаолияти самарадорлигини ошириш. Ички аудит хизмати томонидан ишлаб чиқилган таклиф ва тавсиялар асосида хўжалик субъекти самарадорлигини ошириш орқали ресурсларни тежаш имкониятларини аниқлашга ёрдам беради.
• Ички аудитнинг мақсад ва вазифаларини ривожлантириш. Ички аудит хизматини амалга ошириш келгусидаги рискларни ҳисобга олган ҳолда хўжалик субъектининг молиявий ҳолатини баҳолайди ва бошқарув стратегиясини белгилаб беради. Бунда асосий эътибор бошқарувга тақдим этилаётган ахборотларнинг ишончлилиги ва аниқ манбалардан олинганлигига қаратилади