Toshkentda “Shoshilinch tibbiy yordamni tashkil etishning dolzarb muammolari: gepatopankreatoduodenal sohasining o‘tkir jarrohlik kasalliklari va shikastlanishi” mavzuida XIV respublika ilmiy-amaliy konferensiyasi bo‘lib o‘tdi

toshvil.uz
2
malaka oshirib qaytdi. Natijada shoshilinch tibbiy yordam tizimida 200 mingdan ortiq statsionar jarrohlik
amaliyoti muvaffaqiyatli o‘tkazildi, 1 milliondan ortiq bemorga ambulator va 6 milliondan ziyod chaqiriqlar
bo‘yicha malakali tibbiy xizmat ko‘rsatildi. 
Respublika shoshilinch tibbiy yordam ilmiy markazining kardiologiya bo‘limida 2,5 mingdan ziyod bemorda
murakkab jarrohlik amaliyotlari o‘tkazildi. Yurak ishemik kasalliklarini davolashdagi aorto koronar
shuntlash, yurak klapanlarini almashtirish, koronar tomirlarni stendlash, bemorlarga doimiy bir va ikki
bo‘lmali elektrokardiostimulyator o‘rnatish, mitral bo‘lmani kengaytirish kabi amaliyotlar bajarildi. 
– O‘zbekistonda sog‘liqni saqlash sohasidagi islohotlar natijasida jahon talablariga mos shoshilinch tibbiy
yordam tizimini tashkil etish uchun zarur shart-sharoit yaratilmoqda, – deydi shifokor Mark Kayper (AQSh).
– Ayniqsa, qishloq tumanlarida aholiga yuqori sifatli tezkor tibbiy yordam ko‘rsatish bo‘yicha tizimli ishlar
amalga oshirilayotgani diqqatga sazovordir. Ushbu konferensiyada ishtirok etib, o‘z bilim va tajribam bilan
o‘rtoqlashayotganimdan mamnunman. Bu barcha shifokorlarga o‘zaro tajriba almashish uchun katta
imkoniyatdir. 
Konferensiyada qayd qilinganidek, joriy yilda mamlakatimizda tez tibbiy yordamga ixtisoslashtirilgan 1
ming 200 avtotransport vositasi xarid qilinib, hududlarga yetkazib berilgan. Tez tibbiy yordam
muassasalarini dori vositalari bilan ta’minlashni moliyalashtirish hajmi 2 barobarga oshirilib, dori vositalari
bilan markazlashgan holda ta’minlash darajasi yaxshilangan, 55 kasallik turi bo‘yicha yagona standartlar
ishlab chiqilib, ularni amaliyotga muvaffaqiyatli tatbiq etishga erishilgan. 
Anjumanda o‘t pufagi kasalliklari, an’anaviy davolashdan keyin paydo bo‘ladigan asoratlarni bartaraf etish,
oshqozon osti bezi o‘tkir yallig‘lanishini davolashda yangicha yondashuv, zamonaviy usullar va samarali
yechimlar yuzasidan ham fikr almashildi. 
Tadbir doirasida yosh olimlar tanlovi va mahorat darslari o‘tkazildi. 
Ushbu anjuman tizimdagi ilmiy izlanishlarning ahamiyatini oshirish, ilg‘or yutuq va tajribalarni
ommalashtirish, dunyoning yetakchi klinikalari bilan o‘zaro tajriba almashish, shoshilinch holatlarda
diagnostika va davolashning yangi istiqbolli usullarini ishlab chiqish va rivojlantirishga xizmat qiladi.