лойиҳалари ҳақида
М АЪ Л У М О Т Н О М А
2017 йил 10 декбрдан 25 декабрга қадар бошланғич синф ўқувчилари учун “Қорбобога мактуб” ва “Қорбобо устахонаси” лойиҳалари амалга оширилди. “Қорбобога мактуб” лойиҳаси доирасида ўқувчиларга Қорбобога хат ёзиш ва бунда янги йил руҳи акс этган сурат, қиш, Янги йил, қор, Қорбобо, Қорқиз ҳақида шеър ва Қорбобога ўз тилагини билдириш талаби қўйилди. Лойиҳа якунига кўра, жами 173 та мактуб “Қорбобо почтаси”га келиб тушди. Барча мактублар ўқиб чиқилиб, 24 та энг яхши мактуб эгалари аниқланди ва эсдалик совғалари билан тақдирландилар. Қолган мактуб эгаларига эса Қорбобо номидан хат тайёрланиб, тарқатилди.
“Қорбобо устахонаси” лойиҳасида ҳар куни синфлардан 2 нафардан ўқувчилар қатнашиш ҳуқуқига эга бўлдилар. Ёшлар етакчисинин кичик хонаси болажонлар учун чинакам Қорбобо устахонасига айлантирилди. Ҳар куни соат 11:30дан 13:00га қадар давом этган машғулотларда ўқувчилар ёшлар етакчиси кўмагида арча ўйинчоқлари, Янги йил безаклари, турли аппликациялар ясадилар. Болалар томонидан ясалган буюмлар билан мактаб арчаси, хона деразалари, мактабнинг кириш қисми безатилди. Ўз ижод намуналари мактабни безаб турганини кўрган ўқувчиларнинг севинчи чексиз эди.
Лойиҳанинг афзаллик тарафи шундаки, ўқувчилар бўш вақтларида устахонада ўрганган нарсаларини ўз синфдошларига ўргатдилар. Шу тарзда ўқувчиларнинг бўш вақтлари мазмунли ташкил этилди.
Болаларга Янги йил кайфиятини улашиш мақсадида ташкил этилган ҳар икки лойиҳа ҳам нафақат болажонларнинг, балки уларнинг ота оналарининг, устозларининг ҳам қизиқишига сабаб бўлди.
Лойиҳанинг ютуқларидан яна бири болаларнинг креатив фикрлашига, ўз иқтидорини, қобилиятини кўрсатишга, жамоа бўлиб ишлаш малакасининг ошишига ва ўзини ўзи баҳолаш компетенцияларининг шаклланишига имкон яратилди.
Ёшлар етакчиси: М. Турдиалиева.
Ўзбекистон ёшлар иттифоқининг Тошлоқ туман 36-ўрта таълим мактабидаги
бошланғич ташкилоти томонидан
2018 йил 18 декбрдан 27 декабрга қадар амалга оширилган
“Ёшлар иттифоқидан Янги йил карнавали”лойиҳаси ҳақида
Do'stlaringiz bilan baham: |
