Тοшкент давлат юридик университети ҳузуридаги илмий даражалар берувчи dsc

II. Ўзбекистон Республикаси Жиноят кодексини такοмиллаштириш 
бўйича таклифлар: 
1. ЖК 97, 98 ва 99-моддаларини қуйидаги таҳрирда баён қилиш таклиф 
қилинади: 
«97-модда. Одам ўлдириш 
1. Одам ўлдириш, яъни бошқа инсонни қасддан қонунга хилоф равишда 
ҳаётдан маҳрум қилиш, мазкур модданинг иккинчи ёки учинчи қисмларида 
назарда тутилган ҳолатлар бундан мустасно, – 
ўн йилдан ўн икки йилгача озодликдан маҳрум қилиш билан 
жазоланади. 
2. Одам ўлдириш: 
2.1. яқин қариндошга нисбатан; 
2.2. оммавий тартибсизликлар билан боғлиқ ҳолда; 
2.3. ўқ отар қурол, ўқ-дорилар, портловчи моддалар ёки портлатиш 
қурилмаларидан фойдаланган ҳолда; 
2.4. одам ўғрилаш ёки зўрлик ишлатиб ғайриқонуний равишда 
озодликдан маҳрум қилиш билан боғлиқ ҳолда; 
2.5. тамагирлик ниятида; 
2.6. безорилик оқибатида; 

---

23 
2.7. киши аъзоларини кесиб олиб, бошқа кишига кўчириш 
(трансплантат) ёки мурданинг қисмларидан фойдаланиш мақсадида содир 
этилса, –
ўн икки йилдан ўн беш йилгача озодликдан маҳрум қилиш билан 
жазоланади.
3. Жавобгарликни оғирлаштирадиган ҳолатларда одам ўлдириш, яъни: 
3.1. икки ёки ундан ортиқ шахсни; 
3.2. ҳомиладорлиги айбдорга аён бўлган аёлни; 
3.3. айбдорга аён бўлган ожиз аҳволдаги шахсни ёки кичик ёшдаги 
болани; 
3.4. ўз хизмат ёки фуқаролик бурчини бажариши муносабати билан 
шахсни ёки унинг яқин қариндошларини; 
3.5. бошқа шахсларнинг ҳаёти учун хавфли бўлган усулда; 
3.6. қаттиқ азоб етказиш мақсадида; 
3.7. босқинчилик, тамагирлик ёки шахсни гаров сифатида тутқунликка 
олиш билан боғлиқ ҳолда; 
3.8. номусга тегиш ёки жинсий эҳтиёжни зўрлик ишлатиб ғайритабиий 
усулда қондириш билан боғлиқ ҳолда; 
3.9. миллий, сиёсий, мафкуравий ёки ирқий адоват ёхуд диний 
таассублар замирида; 
3.10. бошқа бирор жиноятни яшириш ёки унинг содир этилишини 
осонлаштириш мақсадида; 
3.11. бир гуруҳ шахслар томонидан содир этилиши, – 
ўн беш йилдан йигирма беш йилгача озодликдан маҳрум қилиш ёки 
умрбод озодликдан маҳрум қилиш жазоси билан жазоланади».