Turli shakldagi o’tkazma yenglarni modellash va uni modellashtirilgan o’miz bilan muvofiqlash

Turli shakldagi o’tkazma yenglarni modellash va uni modellashtirilgan o’miz bilan muvofiqlash.

O`tkazma yenglarni konstruktiv modellashdan maqsad model eskizi bo`yicha yeng o`mizi va yeng o`lchamlariga o`zgartirish kiritishdir. Yenglarni konstruktiv modellashda erishilgan natijalarni saqlab qolgan holda quyidagi talablar qo`yiladi:

1. Yengning kiyimda sifatli o`rnashuvi, qo`l shakliga mosligini saqlab qolish.
2. Yeng qiyamasi va o`miz montaj nuqtalari bir-biriga mosligini saqlab qolish.
3. Qiyamaning o`lchamlari va shaklining o`miz shakli bilan bog`lanishi, qiya-ma kirishtirish haqining o`miz bo`ylab to`g`ri taqsimlanishini ta'minlash.
Yenglarni modellashtirish boshlang`ich etapida BK bilak MK orsidagi eng shaklining farqi o`rganib chiqiladi. Yeng shakli o`zgarganda o`miz shakli o`z navbatida o`zgarish yoki o`zgarmasligi mumkin.
Yeng shakli o`zgarib o`miz shakli o`zgarmasa modellashtirish jarayoni oson ko`chadi. Yenglarni konstruktiv modellashda paralel va konussimon kengaytirish yoki toraytirish usullari qo`llaniladi.
Yeng asos konstruksiyasi quyidagicha modellashtiriladi:
- yeng asos konstruksiyasini kengaytirish yoki toraytirish uchun kesish o`rnilari belgilanadi va qirqiladi;
- konussimon yoki paralel kengaytiriladi yoki toraytiriladi;
- o`zgartirilgan yeng yangi konturi chizib chiqiladi.

12.6.-rasm. Konussimon toraytirish (a,б) va kengaytirish (в, г)

12.7.-rasm. Parallel kengaytirish va burmalar hosil qilish

O`miz shaklining o`zgarishi o`z davomida turli hil yenglar modellarini yaratadi. Yeng shakli qaysi holatlarda o`z shaklini o`zgartiradi agar:
- yelka qirqimi yostiqchalar bilan ko`tarilganda;
- o`miz qirqimi chuqurlashtirilganda;
- yelka kamari kengayganda;
- yelka qiyaligining shakli yoki yelka choki bilan yengning tutashish turiga qarab;
- yeng qiyamasi burmali;
- yeng o`mizi shakldor bo`lsa (8.3-rasm).

12.8.-rasm. Shakldor o`miz uchun yengni modellashtirish

12.9-rasm. Shakldor yengni modellashtirish