Уч авлод учрашуви

Ёшларни ватанпарварлик, одоб-аҳлоқ руҳида тарбиялаш ва маънавият-маърифат ишларини кучайтириш мақсадида
“Уч авлод учрашуви” тадбирида катнашувчилар рўйхати

1. 
   Шарофиддинов Х.
   
2. 
   
3. 
   Тошпўлатов Ж.
   
4. 
   Соатов О.
   
5. 
   Бобоев Тошпўлат
   
6. 
   Тангиров Бахтиёр
   
7. 
   Артиков Адуразоқ
   
8. 
   Шомуродов Абдузоир
   
9. 
   Кўчкиноб Худойберган
   
10. 
    Оқбўтаев Ш.
    
11. 
    Худойбердиев Х.
    
12. 
    Бабахуджаева Нигора
    
13. 
    Жумаев Эркин
    
14. 
    Миерзаев
    

Ўтказиш жойи: Термиз тумани, “Марварид” дам олиш маскани


Ўтказиш вақти: 2023 йил 05 март
Бошланиши: соат 17:00 да

Тарих, бугун ва келажакни ўзида мужассам этган “Уч авлод учрашуви” тадбирига таклиф этилган вакилларини худуддаги диққатга сазовор масканларини, жумладан Ал Хаким Термизий, Султон Саодат мажмуаларини; Хусусан, Термиз шаҳрида бўлаётган тозалик, ободончилик, қурилаётган уй-жой, боғ ва хиёбонлар билан ва бошқа бунёдкорлик ишлари билан таништириш. Танишув якунига етгач, улар тадбир ўтказиладиган жойга етиб келадилар.

Тадбир ўтадиган жой байрамона безатилади, гиламлар тўшалади, базмгоҳ ҳудудида овоз кучайтиргичлар ўрнатилади ва нуронийларга хос мусиқа чалинади, карнай-сурнайлар билан уйғунлашади.
Экранда худудларда амалга оширилаётган ишлар, уларда турли авлод вакиллари, айниқса кексалар ва ёшларнинг иштирокини акс этирувчи лавҳалар намойиш этиб турилади. 30 нафар миллий кийимдаги ёшлар жамоаси, йигит ва қизлар миллий кийимларда қўлларида гуллар билан меҳмонларни кутиб олишади.
Таклиф этилган уч-авлод вакиллари ўз ўринларини эгаллагач, чорлов мусиқа садолари остида, саҳнага 2 нафар бошловчилар чиқиб келишади.


1-Бошловчи:
Ассалому алайкум, азиз меҳмонлар, нуроний отахон-онахонлар ҳамда қалби қайноқ вилоятимиз ёшлари! Бугунги “Уч авлод учрашуви” тадбиримизга хуш келибсизлар.
Ҳурматли меҳмонлар!
Хонадонларимизнинг файзу фариштаси бўлган нуроний отахон ва онахонлар, азиз ёшлар! Муҳтарам Президентимиз Шавкат Мирзиёев айтганларидек, “...мўътабар кексаларнинг насиҳатлари, дуолари билан ҳаётимиз файзли, юртимиз тинч ва обод, хонадонларимизда қут-барака барқарор”,- десак, ҳеч қандай муболаға бўлмайди. Доно халқимизнинг “Қариси бор уйнинг париси бор” деган ҳикматли сўзларида чуқур маъно бор”.
Бу дунёда қиёси йўқ бир диёр бор,
Сарҳадлари бошдан оёқ дур диёр бор,
Алпомишу Барчинойлари ошгай давон,
Ўзбекистон дерлар уни, Ўзбекистон!


2-Бошловчи:
Ассалому алайкум қадрли отахонлар, мўтабар онахонлар, қадди баланд ёшлар, Сиз азизларни баҳор аёми билан самимий муборакбод этамиз. Ҳақиқатан ҳам, бизнинг мана шундай ёруғ кунларга етиб келишимиз учун ўзини аямасдан меҳнат қилган бундай табаррук нуронийларимизга хизмат қилиш, дуосини олиш, улар учун муносиб турмуш шароитларини яратиб бериш ўзимизнинг эзгу ва савобли вазифамиз деб биламиз.


1-Бошловчи:
Бугун жонажон Янги Ўзбекистонимизнинг халқаро майдонда обрў-эътиборини юксалтириш, ёшларимизнинг улкан ютуқ ва натижаларни қўлга киритиши, дунёдаги ривожланган мамлакатлар қаторида барча соҳаларда Ватанимиз байроғини юксакларга кўтараётган ёшларимиз борлиги барчамизга чексиз қувонч ва мамнуният бағишлайди.


2-Бошловчи:
Муболағасиз айтиш керакки, кекса нуронийларимизнинг бугунги эъзозланиши, қадрланиши, уларга чексиз ҳурмат кўрсатилиши, ёш авлод вакилларига берилаётган бундай имкониятлар аввалгиларига сира ўхшамайди.


1-Бошловчи:
Ҳурматли меҳмонлар! Мана бугун биз гўзал ва мухташам “Марварид” дам олиш маскани, Учқизил сув омбори атрофида, жонажон юртимизда ҳукм сураётган тинчлик ва фаравонлик шукронаси рамзи сифатида “Янги Ўзбекистонда эл азиз, инсон азиз” шиори остида ўтказилаётган бугунги шодиёна “Уч авлод учрашуви” тантанаси барчамизга муборак бўлсин.

2-Бошловчи:
Бугун сизу бизни дийдор саодатидан бахраманд этадиган шукухли кун ўзига хос шукрона айёмидир. Шу муносабат билан Сиз, азизларни муборакбод этиш ва шу бугунги тадбирни очиб бериш учун Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси Республика бошқаруви раиси, Ўзбекистон Қахрамони Содиқжон Турдиев ҳамда Сурхондарё вилоят Ҳокими Қосимов Улуғбек Бердиқобиловичларни саҳнамизга таклиф этамиз.

1-Бошловчи:
Самимий ва илиқ тилаклар учун ҳурматли ҳокимимизга миннатдорчилик билдирамиз.
Мустақил диёрсан, азодсан, юртим,
Доимо гуллаган, ободсан, юртим,
Яллалар ярашган, ҳур, шодон юртим,
Ватан, сени жўшиб куйлагим келди,
Мадҳингни дунёга суйлагим келди!

2-Бошловчи:
Менга сен азизсан, тупроғинг азиз,
Гулларга бурканган гулбоғинг азиз,
Саҳроларда ўсган янтоғинг азиз,
Ватан, сени жўшиб куйлагим келди!


1-Бошловчи:

Ҳурматли меҳмонлар, бугунги тантанамизнинг азиз иштирокчилари! Энди эса Санъат усталари томонидан тайёрланган байрамона концерт дастуримизни эътиборларингизга ҳавола этамиз.

Мархамат, тинглаб томоша қилинг!


2-Бошловчи:
Ҳурматли мехмонлар энди кекса авлод вакиллари ва ёшларимизни ўзларининг дил изхорларини билдириш учун Худойқулов Язнақулни таклиф этамиз, марҳамат!

1-Бошловчи:
Ҳурматли мехмонлар энди сизларни муборакбод этиш учун ўрта авлод вакилларидан ...............................................................ни ва ёшлар вакилларидан ..................................................ни сўзга таклиф этамиз марҳамат!


2-Бошловчи:
Эндиги навбатни санъаткорларимизга берсак, марҳамат!
(Таниқли санъаткорлар ижросида куй-қўшиқлар янграйди).
Концерт дастуридан сўнг, тадбир охирида барча нуронийларга тайёрланган совғаларни 30 нафар ёшлар тарқатадилар.


1-Бошловчи:
Мана муҳтарам тадбир иштирокчилари ёш авлод тарбиясида, маҳаллалардаги маънавий муҳитнинг барқарорлигини таъминлашда кекса нуронийларимизга мустаҳкам соғлик-саломатлик тилаймиз. Зеро биз ёшлар Сизларнинг дуонгиз, панду насиҳатларингиз биз учун жуда қадрлидир.


2-Бошловчи:
Ҳурматли ёшлар, Сизларнинг Ватанаимиз равнақи йўлида олиб бораётган ишларингизда бунданда кўпроқ натижалар, ютуқларга эришишларингизни, жонажон Ўзбекистонимизнинг дунё ҳамжамияти орасида бунданда юксакларга кўтарилишидаги хизматларингизга омад ва зафарлар ҳамиша ёр бўлишини тилаб қоламиз.
Кейинги тадбирларда кўришгунча хайр, соғ ва саломат бўлингизлар!


(Мусиқа садолари остида тадбир якунланади)