Участка сайлов комиссиялари

Овоз бериш бошлангунга қадар
ОВОЗ БЕРИШ БОШЛАНГАНИНИ ЭЪЛОН ҚИЛИШ
Овоз бериш куни референдум участкасида соат 8.00 да Ўзбекистон Республикасининг Давлат мадҳияси янграйди.
Участка комиссиясининг раиси овоз бериш бошланганлигини эълон қилади.
Участка комиссиясининг раиси комиссия аъзолари ҳозирлигида овоз бериш қутиларининг бўшлигини текширади ва уларни бир маротаба ишлатиладиган пластмасса пломбалар билан пломбалайди.
Пломбалар рақами кўрсатилган ҳолда мазкур Низомнинг 15-иловасига мувофиқ шаклда далолатнома тузилади.
Овоз бериш бошланиши жараёнига оид вазифалар
Участка комиссияси раиси томонидан овоз берувчи фуқаролар сони, олинган бюллетенларнинг сони, муддатидан олдин овоз берган фуқаролар сони маълум қилинади.
Маҳаллий кузатувчилар, оммавий ахборот воситаларининг вакиллари, бошқа давлатлар ва халқаро ташкилотлардан кузатувчилари рўйхатга олинади.
Овоз бериш бошланганлиги ҳақида алоқа воситалари орқали округ комиссиясига хабар берилади.
Овоз берувчи фуқароларга тақдим этилган бюллетенлар сонининг ҳисоби ҳар соатда юритиб борилади.
Участка комиссияси участкадаги рўйхат бўйича овоз беришда иштирок этувчи ҳар бир овоз берувчи фуқарога бир донадан ортиқ бюллетен берилмаслигини таъминлайди.
ЁДДА ТУТИНГ!

Овоз берувчи фуқаро овоз бериш биносига келгач, овоз берувчи фуқаро участка комиссиясининг аъзосига ўз шахсини тасдиқловчи ҳужжатни кўрсатади (паспорт, ID-карта, ҳарбий гувоҳнома, янги намунадаги миллий ҳайдовчилик гувоҳномаси, фуқаролик паспортини йўқотган фуқароларга ички ишлар органлари томонидан берилган вақтинчалик маълумотнома, жазони ўтаб бўлганлик ёки жазодан озод қилинганлик тўғрисидаги маълумотнома) ҳамда овоз берувчи фуқаролар рўйхатига имзо қўяди. Шундан кейин унга бюллетен берилади.

• Овоз берувчи фуқаро овоз бериш биносига келгач, овоз берувчи фуқаро участка комиссиясининг аъзосига ўз шахсини тасдиқловчи ҳужжатни кўрсатади (паспорт, ID-карта, ҳарбий гувоҳнома, янги намунадаги миллий ҳайдовчилик гувоҳномаси, фуқаролик паспортини йўқотган фуқароларга ички ишлар органлари томонидан берилган вақтинчалик маълумотнома, жазони ўтаб бўлганлик ёки жазодан озод қилинганлик тўғрисидаги маълумотнома) ҳамда овоз берувчи фуқаролар рўйхатига имзо қўяди. Шундан кейин унга бюллетен берилади.