Учебно-методический комплекс по предмету «Религиоведение»

Ваъз мавзуси	Вақт	Семинар мавзуси
Вақт
	Диншуносликнинг предмети.	2	Диншунослик фанига кириш.	2
	Диннинг ибтидоий шакллари.	2	Диннинг ибтидоий шакллари	2
	Ҳинд миллий динлари.	2	Қадимги дунёда диний тасаввурлар.	2
	Хитой миллий динлари.	2	Миллий динлар	4
	Яҳудийлик ва зардуштийлик.	2	Зардуштийлик дини.	2
	Буддавийлик.	4	Буддавийлик	2
	Христианлик.	2	Христианлик ва унинг оқимлари	4
	Христианлик оқимлари.	2	Ислом	2
	Исломнинг пайдо бўлиши ва тарқалиши.	2	Исломнинг асосий манбалари	2
	Ислом таълимоти ва амалиёти.	2	Исломдаги мазҳаблар ва ғоявий-сиёсий оқимлар	2
	Исломнинг асосий манбалари.	2	Мустақиллик ва дин.	2
	Ислом оқимлари.	2	Виждон эркинлиги ва диний ташкилотлар	2
	Виждон эркинлиги ва диний ташкилотлар.	2	Миссионерлик ва прозелитизмнинг салбий оқибатлари.	2
	Диний экстремизм, миссионерлик ва прозелитизмнинг зарарли оқибатлари.	2
ЖАМИ

Тузувчи: У.Мавлянов

ФАН БЎЙИЧА ТАЪЛИМ ТЕХНОЛОГИЯЛАРИНИ ИШЛАБ ЧИҚИШНИНГ КОНЦЕПТУАЛ АСОСЛАРИ

“Диншунослик” фани бўйича юқори илмий-педагогик даражада ташкил этилиши, муаммоли машғулотлар ўтказиш, дарсларни савол-жавоб тарзида ташкил қилиш, илғор педагогик технологиялардан ва мультимедиа қўлланмалардан фойдаланиш, талабчанлик, талабалар билан якка тартибда ишлаш, эркин мулоқотга киришишга жалб қилиш, мустақил фикрларини баён этиш ва бошқа тадбирлар таълим устуворлигини таъминлайди.

Фаннинг мақсади. Талаба-ёшларда билим, кўникма ва малакалар тизимини таркиб топтириш ва шакллантириш.
Фанни ўқитишнинг вазифалари. Мақсадни амалга ошириш учун қуйидаги вазифаларни бажариш лозим бўлади: ХХ асрдаги дунёданинг сиёсий харитасидаги ўзгаришлар натижасида экстремизм ва терроризм таҳдидини кучайишини талабаларга тушунтириш; дунёвий давлатнинг динга муносабатини ўрганиш орқали Ўзбекистоннинг дунёвий давлат сифатидаги динга муносабатини баҳолаш; диний ақидапарастликнинг келиб чиқиш тарихини «кузатиш»; ғоявий қуроллантириш; уларни ватанпарварлик, тинчликсеварлик, толерантлик, ёт ғояларга қарши кураш руҳида тарбиялаш ва бошқаларни шакллантиришдан иборатдир.
Шахсга йўналтирилган таълим. Ўз моҳиятига кўра таълим жараёнининг барча иштирокчиларини тўлақонли ривожланишларини кўзда тутади. Бу эса таълимни лойиҳалаштирилаётганда, албатта, маълум бир таълим олувчининг шахсини эмас, аввало, келгусидаги мутахассислик фаолияти билан боғлиқ ўқиш мақсадларидан келиб чиққан ҳолда ёндашишга эътибор қаратишни амалга оширади.
Тизимли ёндашув. Таълим технологияси тизимнинг барча белгиларини ўзида мужассам этмоғи лозим: жараённинг мантиқийлиги, унинг барча бўғинларини ўзаро боғланганлиги, яхлитлиги билим олиш ва касб эгаллашнинг мукаммал бўлишига ҳисса қўшади.
Фаолиятга йўналтирилган ёндашув. Шахснинг жараёнли сифатларини шакл-лантиришга, таълим олувчининг фаолиятини жадаллаштириш ва интенсивлаштириш, ўқув жараёнида барча қобилият ва имкониятларни, ташаббускорликни очишга йўналтирилган таълимни ифодалайди. Эгалланган билимларнинг кўникма ва малакага айланиши, амалиётда татбиқ этилишига шароит яратади.
Ҳамкорликдаги таълимни ташкил этиш. Демократлилик, тенглик, таълим берувчи ва таълим олувчи ўртасидаги субъектив муносабатларда ҳамкорликни, мақсад ва фаолият мазмунини шакллантиришда эришилган натижаларни баҳолашда биргаликда ишлашни жорий этишга эътиборни қаратиш зарурлигини билдиради. Таълим жараёнида “субъект-субъект” муносабатлари таркиб топади.
Муаммоли таълим. Таълим мазмунини муаммоли тарзда тақдим қилиш орқали таълим олувчи фаолиятини активлаштириш усулларидан бири. Бунда илмий билимни объектив қарама-қаршилиги ва уни ҳал этиш усулларини, диалектик мушоҳадани шакллантириш ва ривожлантиришни, амалий фаолиятга уларни ижодий тарзда қўллашни таъминлайди. Муаммоли савол, вазифа, топшириқ ва вазиятлар яратиш ва уларга ечим топиш жараёнида онгли, ижодий, мустақил фикрлашга ўргатилади.
Ахборотни тақдим қилишнинг замонавий воситалари ва усулларини қўллаш. Ҳозирги ахборот коммуникация технология васиталари кучли ривожланган шароитда улардан тўғри ва самарали фойдаланиш, ахборотларни танлаш, саралаш, сақлаш, қайта ифодалаш кўникмалари ҳосил қилинади. Бу жараёнда компьютер саводхонлиги алоҳида аҳамият касб этади.