Uliwma pedagogika

Mektep xa`m shan`araq baylanisinin` tu`rleri. Balalardi ta`rbiyalaw –uliwma xaliqliq is
bolg`anliqtan mektep penen u`yler arasindag`i baylanistin` o`zine ta`n o`zgeshelikleri bar. Bul 
o`zgeshelikler mektep penen u`y baylanislarinin` to`mendegi formalarinda o`z sa`wleleniwin
tapqan. 1. Oqiwshinin` u`yine bariw. Klass basshisi, mug`allim oqiwshinin` u`yine barg`anda 
onin` turmis sharayatlari menen tanisadi. Ata-analarg`a oqiwshinin` qizig`iwshilig`i,
beyimleskenligi xaqqinda mag`liumatlar, oqiwshinin` u`ydegi jumisin sho`lkemlestiriw 
xaqqinda, ku`nlik rejim xaqqinda jeke gigiena qa`delirin saqlaw xaqqinda ken`esler beredi.
Oqiwshinin` sem`yasi menen gu`rrin`leskende sem`ya ta`rbiyasinin` baxali ta`jiriybesin aniqlawi 
xa`m oni basqa sem`yalarg`a beriwi mu`mkin. Oqiwshilardin` sem`yasina birinshi ret bariw
oqiw jili baslanaman degenshe yamasa sherekte bir ret o`tkeriledi. Oqiwshi sem`yasina birinshi 

---

ret bariwdin` waziypasi oqiwshinin` turmis keshiriwi xa`m u`ydegi turmis sharayatlari menen

aldin ala tanisip aliwdan ibarat. Oqiwshinin` ata-anasi menen ushirasiw burinnan jobalastiriladi. 
Oqiwshilardin` u`yine bariwdin` na`tiyjesinde klass basshisi oqiwshi xaqqinda material toplaydi,
balalar menen ata-analar arasindag`i o`z-ara qatnasti xa`m tag`i basqani u`yrenedi. 
2. Oqiwshilardin` ata-analarina pedagogikaliq ma`sla`xatlar beriw oqiwshilardin` ata-
analarin mektepke shaqiriw xa`m oqiwshilardin` ata-analari menen xat alisiw arqali a`melge 
asiriladi.
3. Klass boyinsha ata-analar jiynalisin otkeriw. Klass ata-analari jiynalisinda ata-analar 
klasstag`i oqiw-ta`rbiya jumisinin` waziypalari xa`m awxali menen tanistiriladi. Jiynalis oqiw
jilinin` basinda xa`m xa`r bir sherektin` axirinda o`tkeriledi. Klass jiynalislari belgili bir 
temalarg`a arnalip ta o`tkeriledi. Bunday temalar ata-analardin` talaplarina baylanisli tan`lap
alinadi. Bunday temalar ata-analardin` talaplarina baylanisli tan`lap alinadi. Klass jiynalisi ata-
analardin` aktivlik penen qatnasiwisiz o`tkerilse zerigerli boladi. Ata-analar jiynalisi uliwma
mektep boyinsha da o`tkeriledi.
4. Ata-analar menen ushirasiw. Oqiwshini ta`rbiyalaw xaqqinda ken`esiw za`rurligi jiyi-jiyi
payda bolip turadi. Ol oqiwshinin` sem`sina ba`rxama bara almaydi. Bunday jag`dayda 
gu`rrinlesiw ushin mektepke shaqiriladi. Ata-anani mektepke shaqiriw-bala mektepte ta`rtip
buzg`an, jaqsi oqiw baslag`an, klasstan tis oqiw za`rurligi payda bolg`an, ja`miyetlik paydali 
miynetke tartiw kerek bolg`anda iske asiriladi.
5. Ata-analari menen xat alisiw. Bul ko`binese awil mekteplerinde qollaniladi.
6. Ata-analar ushin doklad xa`m gu`rrin`ler. Bul pedagogikaliq temalarg`a baylanisli
o`tkeriledi. Doklad, gu`rrin`ler mazmuni oqiwshilardi oqitiw jillarina xa`m ata-analardin` 
talaplarina baylanisli o`zgerip turadi. Lektsiya, doklad, gu`rrin` o`tkerilgende pedagogika
iliminin` jetiliskenlikleri, u`y ta`rbiyasinin` a`meliyati menen u`ylestiriledi. Gu`rrin`, faktler 
oqiwshilardin` u`ylerine bariw, ata-analar menen so`ylesiw x.t. basqa da materiallardan alinadi.
7. Ata-analar ushin konferentsiyalar sho`lkemlestiriw.
8. Ata-analardi pedagogikaliq a`debiyatlar menen tanistiriw. 9. Ata-analar aktivi menen
islesiw.