Uliwma pedagogika

Oqiwshilar konferentsiyasi. Konferentsiya maqseti xa`m mazmunina qarap Z ke
bo`linedi. 1.Usinis turi. Bunda oqiwshilar oqig`an kitaplari boyinsha qisqasha bayanlama 
yamasa doklad jasaydi. Bunin` maqseti oqiwshilardi sol shig`armag`a qiziqtiriwdan ibarat.
2.Juwmaklawshi tu`ri. Bul sherektin` yamasa jildin` axirinda boladi. Bunda oqiwshilardin` 
oqig`an shig`armalari taliqlanadi. Bunday tu`r ko`binese ayrim jaziwshilardin` o`mirine
bag`ishlanadi. 3.Tematikalik turi. Bul belgili bir mashqalag`a bag`ishlang`an kitaplar boyinsha 
o`tkeriledi. Konferentsiya da`slep gu`rrin` tu`rinde mug`allimnin` kiris so`zi menen baslanadi.
Son`inan oqiwshilar o`zi oqig`an kitaplar boyinsha pikir ayta baslaydi. Konferentsiyani o`tkeriw 
metodikasida disputqa uqsas, geyde keyni disputqa aylanipta ketedi.

Oqiwshilar jiynalisi. Bul-oqiwshilardi ta`rbiyalawdin` xa`m olardi kollektivke
biriktiriwdin` massaliq formasi. Jiynalista en` aktual`, o`zlerin qiziqtirip ju`rgen ma`seleler 
boyinsha balalar kollektivinin` pikiri payda boladi. Bunda mektep ishindegi ta`rtip x.t. basqalar
so`z etiledi. Baslawish klasslarda oqiwshilar jiynalisin mug`allim o`tkeredi. Bunda en` tiykarg`i 
ma`selelerden u`lgeriw xa`m klasstag`i ta`rtip ma`selesi, klass kollektivin bekkemlew ma`seleleri

---

so`z etiledi. Jiynalistin` tabisli boliwi ushin oni duris basqariw xa`m tiyisli qararlardi tez orin

orinlarina qoyiw ayriqsha orindi iyeleydi. 


Klass saati. Bul ta`rbiyaliq jumisti sho`lkemlestiriwdin` frontal` formasi. Klass saati aldin
ala kestede belgilenedi. Biraq buni qosimsha saat dep tu`siniwge bolmaydi. Klass saatinin` 
dawam etiw waqti sheklenbeydi, ol geyde qisqa waqit bolsa, geyde uzaqqa soziliwida mu`mkin.
Klass saatinin` uzaq xa`m qisqa boliwi oqiwshilardin` jas ayirmashilig`ina baylanisli boladi. 
Klass saatinin` tematikasi aldin-ala klass mug`alliminin` ta`rbiyaliq jobasinda belgilenedi. Klass
saatinda o`tken xa`ptege juwmaq jasawg`a, u`lgeriw isin ko`riuge, moralliq minez-quliqlarina 
baxa beriwge boladi. Biraq klass saatin tek kemshilikti saplastiriwg`a bag`ishlamaw kerek. En`
tiykarg`isi, klass saati waqtinda oqiwshi o`zin ta`rbiyalap atirg`anin bilmewi kerek. 


Diywali gazeta. Mektep xa`m klass diywali gazetalari kollektivtin` ja`miyetlik pikirin
paydalaniw ayirim oqiwshilardin` minez-qulqindag`i kemshiliklerdi joyiwg`a, unamli 
qa`siyetlerdi rawajlandiriwg`a ja`rdem beredi. Diywali gazeta-oqiwshilarg`a tek g`ana o`zinin`
mazmuni menen ta`sir etip qoymaydi. Oqiwshilar redaktor, redkollegiya ag`zalari, xabarshi 
xizmetkerlerin atqariw arqali printsipialliqqa, tuwriliqqa, o`z pikirinde turaqliliq penen turiwg`a
oqiwshilardi ta`rbiyalaydi. Oqiwshilar birewdi kritikalamaqshi bolsa, aldin ala o`zlerinin` minez-
qulqin du`zetiwge xa`reket etedi.