Monofiletik turlar - Endi jonliroq misol orqali tushuntirishga harakat qilaman. Quyidagi kladogrammaga e'tibor bering. U yerda primatlarning filogenetik daraxti ifodalangan. E'tibor bersangiz, Eski va Yangi dunyo maymunlari, odamsimon maymunlar va odam joylashgan shoxlar umumiy sariq rangda ajratilib ko'rsatilgan. Pastda esa ushbu guruh uchun umumiy bo'lgan umumiy ajdod ko'rsatilgan. Ana o'sha nuqtada joylashgan umumiy ajdod yuqoridagi barcha taksonlar uchun tegishli bo'lib, umumiy ajdodning umumiy belgilari ularning barchasida uchraydi. Mana shunday kelib chiqishga ega bo'lgan taksonlar jamoasini monofiletik guruh deb ataladi.
- Bunday misollar hayvonlarning boshqa juda ko'plab taksonlari orasida hamda o'simliklar orasida uchraydi. Masalan, Ra'nodoshlar (Rosaceae), dukkakdoshlar (Fabaceae) oilalari xuddi mana shunday monofiletik kelib chiqishga ega guruh hisoblanadi.
Do'stlaringiz bilan baham: |
