Ўқув қўлланма

ЎЗБЕКИСТОН РЕСПУБЛИКАСИ ПРЕЗИДЕНТИ ²УЗУРИДАГИ ДАВЛАТ ВА ЖАМИЯТ ҚУРИЛИШИ АКАДЕМИЯСИ
ТАШҚИ СИЁСАТ ВА ДИПЛОМАТИЯ КАФЕДРАСИ


А.Жалилов, С.Жўраев
ГЕОСИЁСАТ АСОСЛАРИ
(ўқув қўлланма)


Тошкент 2008

5-МАВЗУ. ЎЗБЕКИСТОН ХАВФСИЗЛИК СИЁСАТИДА АФ£ОНИСТОН, ЖАНУБИЙ ОСИЁ ВА ЯҚИН ШАРҚ ОМИЛИ 2
1.Ўзбекистон ташқи сиёсатида Афғонистон омили 2
2. Ўзбекистон ва Жанубий Осиё давлатлари муносабатлари 7
3. Ўзбекистон ташқи сиёсатида Яқин Шарқ омили 10
6-МАВЗУ. ЎЗБЕКИСТОН РЕСПУБЛИКАСИ ГЕОСИЁСИЙ МАНФААТЛАРИ ТИЗИМИДА РОССИЯ, ЕВРОПА ВА АМЕРИКА ОМИЛИ 17
1.Ўзбекистон-Россия ҳамкорлик муносабатлари. 17
2. Ўзбекистон ва Европа Иттифоқи муносабатлари 24
3. Ўзбекистоннинг АҚШ билан муносабатлари 27
7-МАВЗУ. ЎЗБЕКИСТОН РЕСПУБЛИКАСИНИНГ ГЕОСТРАТЕГИЯСИДА ХИТОЙ ВА ТИНЧ ОКЕАНИ МИНТАҚАСИ ОМИЛИ 30
1.Ўзбекистон – Хитой муносабатлари 30
2. Ўзбекистон-Япония муносабатлари 35
3. Ўзбекистоннинг Тинч океани минтақасининг бошқа давлатлари билан муносабатлари 38
8-МАВЗУ. ЎЗБЕКИСТОН РЕСПУБЛИКАСИНИНГ ГЕОСИЁСИЙ КЕЛАЖАГИ 39
1.Ўзбекистоннинг геостратегик ва геосиёсий хусусиятлари 39
2. XXI аср ва янги геосиёсий вазият 48
3. ²озирги замон геосиёсатида ахборот омили 53
Курс юзасидан тавсия этиладиган махсус адабиётлар 59

5-МАВЗУ. ЎЗБЕКИСТОН ХАВФСИЗЛИК СИЁСАТИДА АФ£ОНИСТОН, ЖАНУБИЙ ОСИЁ ВА ЯҚИН ШАРҚ ОМИЛИ

1. Ўзбекистон ташқи сиёсатида Афғонистон омили

2. 
   Ўзбекистон билан Покистон ва ²индистон ўртасидаги ҳамкорлик муносабатлар
   
3. 
   Ўзбекистон ташқи сиёсатида Яқин Шарқ омили
   

Бугун Афғониcтонда гиёҳванд моддалар ишлаб чиқариш ҳажмининг ортиб бораётгани нафақат минтақа давлатлари, балки бутун жаҳон ҳамжамияти ташвишга солмоқда. Бироқ мазкур иллатга қарши фақат гиёҳванд мод­далар ишлаб чиқарилаётган ҳудуд атрофида «хавфсизлик зона»сини ташкил этиш, жазолаш ва маъмурий чора-тадбирларни кучайтириш билангина курашиш кифоя қилмайди. Бу муаммони, биринчи навбатда, Афғонистон иқтисодиётини чуқур таркибий ўзгартириш, аҳолини тинч ва бунёдкорлик меҳнати билан банд этиш орқалигина ҳал қилиш мумкин.

Президент Ислом Каримов Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги нутқида мамлакатимиз ички ва ташқи сиёсатининг энг долзарб муаммолари ҳақида ҳам алоҳида фикр мулоҳазаларини баён қилди.
Ўзбекистон раҳбари, биринчи навбатда, Марказий Осиёда тинчлик ва барқарорликни сақлаш, минтақани барқарор хавфсиз ҳудудга айлантириш мамлакат ташқи сиёсатининг устувор йўналиши эканлигига ypғy берди. Бу мақсадни амалга ошириш учун қўшни давлатлар билан интеграциялашув жараёнларини изчил давом эттириш, бозор ислоҳотларини ривожлантиришда минтақавий бозорни шакллантиришга алоҳида аҳамият бериш зарурлигини эътироф этди.
Шунингдек, Республикамиз раҳбари Афғонистондаги вазиятни барқарорлаштириш ва қайта тиклаш борасида давом этаётган ижобий жараёнлар билан бир қаторда, минтақада сакланиб қолаётган стратегик мавҳумлик ҳолати хусусида ҳам тўхталиб ўтди. Буни қандай изоҳлаш мумкин?