Ўқув машғулотининг мақсади

Ўқув машғулотининг мақсади: жаҳон хўжалиги, унинг ривожланиш қонуниятлари,хақаро иқтисодий интеграция, жаҳон бозори, халқаро валюта-кредит муносабатлари ҳақидаги билимларни шакллантириш.
Жахон хўжалигининг ХХ-асрнинг иккинчи ярмидаги ажралиб турувчи хусусиятларидан бири халқаро иқтисодий муносабатларни жадал суръатларда ривожланишидир. Иқтисодий муносабатларни тобора кенгайши ва чуқурлашуви хам мамлакатлар ўртасида ҳам бир гурух мамлакатлар доирасида ва алоҳида фирмалар ва ташкилотлар ўртасида кечмоқда. Бу жараёнлар халқаро меҳнат тақсимотини чуқурлашувида хўжалик ҳаётини байналмиллашувида, миллий иқтисодиётнинг «очиқлик» даражасини кўтарилишидан намоён бўлмоқда.

Таъкидлаш лозимки, бу ўзаро ҳамкорлик, яқинлашиш жараёнлари зиддиятли диалектик хусусиятга эга. Халқаро иқтисодий муносабатларда диалектик қарама-қаршиликнинг маъноси шундаки, алоҳида мамалакатларни иқтисодий мустақилликка интилиши ўз миллий ишлаб чиқаришини мустаҳкамлаш, пировард натижада барибир жаҳон хўжалигини янада кўпроқ байналмиллашувига, миллий иқтисодиётини очиқлигига, халқаро меҳнат тақсимотини чуқурлашувига олиб келади.