Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

АТОПИК ДЕРМАТИТ
Бола организмидаги алохида бир холат булиб, бу кандайдир ички ва ташки кузгатувчига атопик дерматит билан жавоб беришга "тайёр" булиб туради.
Атопик дерматит (АД) – сурункали, аллергик касаллик булиб, у атопияга генетик мойиллиги бор шахсларда ривожланади, кайталанувчи кечиш хос, клиник аломатларида бемор ёшига караб узига хос хусусиятлари бор, экссудатив ва (ёки) лихеноид тошмалар билан характерланади, кон зардобида IgE ортиши кузатилади, махсус ва носпецифик китикловчиларга сезувчанлиги ортиши кузатилади. Клиник амалиётда АД купинча «аллергик» ёки «экссудатив – катарал» диатез номи билан юритилади. АД болалардаги аллергик касалликлар ичида куп учраши буйича аввалги уринни эгаллайди (50-75%). Охирги йилларда АД касаллигининг купайиши, кечишининг огирлашиши кузатилмокда.
АД ривожланишида эндоген омиллар (наслийлик, атопия, терининг гиперреактивлиги, терида функционал ва биохимик жараёнларни бузилиши) энг асосий рол уйнайди. Бу омиллар экзоген омиллар (аллергенлар ва ноаллергенлар) билан кушилиб, АД клиник манзарасини ривожланишига сабаб булади. Атопикларда Т-хелперлар-2 микдори ортган, умумий IgE гиперпродукцияси кузатилади. Боланинг отаси ва онаси соглом булса, болада АД ривожланиш хавфи 10-20%, агар улардан бирортасида (отаси ёки онаси) аллергик касаллик ёки реакция булса, 40-50%, агар иккаласи хам бемор булса, 60-80%. Ташки омиллардан боланинг 1 ёшга тулгунча булган вактда болани овкатлантириш режимини бузилиши асосий омил булса, 3-7 ёшда маиший (уйдаги) ва замбуруг аллергенлари асосий сабаб булади, пубертат ёшда эса рухий – эмоционал омил устувор туради.
Клиникаси: клиник шакллари беморнинг ёшига муносиб равишда куйидагича турларга ажратилади:

1. 
   экссудатив – 2 ёшгача
   
2. 
   эритематоз – сквамоз оддий тури – 2-7 ёш
   
3. 
   эритематоз – сквамоз лихенизацияланган – 7-12 ёш
   
4. 
   лихеноид тури – 12 ёшдан катта
   
5. 
   пруригиноз – 12 ёшдан катта
   

Касалликнинг канчалик таркалганлигига караб куйидагича булинади:

1. 
   Чекланган
   
2. 
   Таркок
   
3. 
   Диффуз
   

Клиник манзарасининг (кечишининг) огирлигига караб:
1. Енгил
2. Уртача огир
3. Огир
Касалликнинг даврлари ва фазаларига караб:
1. Бошлангич боскичи
2. Яккол узгаришлар боскичи
(авж олиш даври – рецидивлар)
а) уткир фазаси
б) сурункали фазаси
3. Ремиссия боскичи
а) чала ремиссия (ним уткир даври)
б) Тула ремиссия
4. Клиник согайиш боскичи
Клиник этиологик вариантлари (устивор аллергенларга нисбатан)
1. Озик-овкат моддаларига
2. Хашаротларга
3. Замбуругларга
4. Чангларга
5. Иккиламчи инфекциялар
Касалликнинг асосий белгилари эритема, шиш, папула, калоклар, экскориация, лихенификация, ёриклар, терининг курукшаши, кучли кичишиш, уйкусизлик, ок дермографизм. Тошмалар асосан кул ва оёкларнинг букилувчи сохаларида, огиз атрофида, белда, жинсий аъзолар сохасида, буйиннинг орка юзасида, юзда, пешонада, куз атрофида жойлашади.
Диагностик мезонлари
А. Катта (зарурий, асосий) мезонлар
1) кучли кичишиш, хатто терида АДни белгилари минимал даражада булса хам
2) типик морфологик элементлар ва уларнинг локализацияси (характерли сохаларда жойлашиши)
3) оилада ёки индивидуал атопик касалликнинг тарихи мавжудлиги
4) сурункали кайталанувчи кечиш.
Б. Кичик (кушимча) мезонлар:
1) IgE микдорининг ортиши (юкорилиги)
2) касалликнинг эрта ёшдан (2 ёшгача) бошланиши
3) кафт ва товонларнинг гиперлинеарлиги (чизикларнинг куплиги)
4) юзда ва елка сохасида ок догларнинг мавжудлиги (Pityriasisalba)
5) фолликуляр гиперкератоз (елка, билак, тирсакнинг ташки томонида «мугузли» папулалар кузатилиши)
6) кепакланиш, ксероз
7) оёк ва кулларда носпецифик дерматитлар
8) терининг тез-тез инфекцион касалликларга чалиниши
9) ок дермографизм
10) терлаганда кичишиш
11) буйиннинг олдинги юзасида ажинлар
12) куз атрофида тук рангли узгаришлар (аллергик товланиш)
Даволаш
АДни даволашни асосий омили уни комплекс даволашдир. Бунда касаллик патогенезининг хар хил звеноларига таъсир килувчи дори моддаларидан фойдаланилади. Энг аввало хар хил аллергенлар таъсирини бартараф этиш керак. Бунинг учун бемор иш, дам олиш ва овкатланиш режимларига амал килиши шарт. Кийим-кечаклардан сунъий матолар ман килинади. Уй шароитида мумкин булган аллергенлар (чанг, жун махсулотлари) таъсирини бартараф килиш керак. Агар иш жойида хар хил химиявий моддалар ёки аллерген вазифасини уташи мумкин булган нарсалар билан контактда булса, иш шароитини узгартириш талаб килинади. Овкатланиш режимига алохида ахамият бериш керак. Бунда узида аллерген тутувчи озик-овкат моддалари (мош, ловия, нухат, тухум, цитрус мевалари, кофе, какао тутувчи озик-овкат моддалари, от гушти, кази, калампир ва х.к.) рациондан чикариб ташланади. Дори моддаларидан антиоксидантлар (альфа-токоферол ацетат, ретинол ацетат, аскорбин кислотаси, никотин кислотаси), антигистамин дори моддалари (кларитин, лоратадин, аналергин, кетотифен ва бошкалар), топик глюкокортикоид кремлар (элоком, адвантан, целестодерм) ишлатилади.