Uzum Business qanday ishlaydi

Diqqat qiling: qaytarib berish dalolatnomasi tuzilgandan so'ng, tegishli miqdordagi tovarlar endi sotuvda aks ettirilmaydi.

#2. Brakdan.

Brakka quyidagi mahsulotlar kiradi:

• 
  xaridorlar tomonidan “brak”, “to'liq jihozlanmagan” sabablarga ko’ra qaytarilgan tovarlar;
  
• 
  sifat nazorati bo’limi tomonidan aniqlangan ombordagi nuqsonli tovarlar;
  
• 
  fotostudiyadan so'ng qaytarib berilmaydigan tovarlar.
  

Bunday tovarlar ombordagi kameraga qaytarilmaydi. Uni olish uchun biznesni qo'llab-quvvatlash xizmatiga murojaat qiling.
Keyinchalik, ombor xodimlari mustaqil ravishda qaytarib berish dalolatnomasini yaratadilar va u sizning shaxsiy kabinetingizda "Ombordan qaytarishlar" bo'limida paydo bo'ladi. Tovarlarni ombordan olib ketish mumkin. Omborda yig'ilgan tovarlarning saqlanish muddati - 3 kun.
Agar sizga nuqsonli tovarlar kerak bo'lmasa va ularni olib ketishni istamasangiz, ushbu mahsulotlarni qayta ishlash uchun arizani to'ldiring va uni shaxsiy kabinetning veb-saytidagi biznesni qo'llab-quvvatlash chatiga yuboring. Ariza shaklini havoladan yuklab olish mumkin.

#3. Muammolar bo'limidan.

Agar sizning mahsulotingiz uzoq vaqt davomida omborda qabul qilinmasa yoki nomuvofiqlik bilan qabul qilinsa, ehtimol u muammoli bo'limga tushgan bo'lishi mumkin. Bunday holatning asosiy sabablari quyidagilardan iborat:

• 
  shtrix-kod bilan bog'liq muammolar (mavjud emas, o'qilmaydi, shakli buzilgan, mahsulotga mos kelmaydi);
  
• 
  mahsulot bilan bog'liq muammolar (e'lon qilingan vazniga mos kelmasligi, qadog'i chilmasdan turib ko'rinadigan nuqsoni, suyuqlikning oqishi va boshqalar);
  
• 
  qadoq bilan bog'liq muammolar (individual qadoqning yo'qligi, qadoqning shikastlanganligi yoki talablarga mos kelmasligi);
  
• 
  ortiqcha buyum (buyurtmada qabul qilish dalolatnomasida ko'rsatilganidan ko'proq tovar bo'lsa).
  

Muammoli bo'limdagi tovarlarni ombordan qabul qilish dalolatnomasining raqami bo'yicha olib ketishingiz mumkin, unga ko'ra siz tovarlarni omborga topshirgansiz. Buni shaxsiy kabinetingizdagi "Invoysalar" bo'limida topishingiz mumkin.