Uzum marketpleysi bilan ishlash bo'yicha ko'rsatmalar Uzum Business qanday ishlaydi

1.1 Uzum qanday ishlaydi 
Kompaniyamiz qadriyatlarini yetkazish uchun biz to'rtta asosiy tamoyilni ishlab chiqdik va 
hamkorlar bilan ishlashda ularga amal qilamiz. 
1-tamoyil: Maksimal samaradorlik
 
Biz yetkazib beruvchilarimiz hamda mijozlarimizning resurslarini 
qadrlaymiz, shuning uchun sifat va tezlikni saqlagan holda buyurtmani bajarish xarajatlarini doimiy 
ravishda kamaytirib boramiz. Boshqa platformalar oqibatlarga qarshi kurashayotgan bir paytda, 
Uzum jamoasi hamkorlar va mijozlar manfaatlarini himoya qilish uchun nostandart yechimlarni 
qidirib topadi. 
2-tamoyil. Adolatli raqobat
 
Biz mahsulotlar va do'konlarni tartiblashning eng shaffof va adolatli 
tizim yaratdik. Har qanday sotuvchi umumiy vositalardan foydalanish va doimiy ravishda o'z 
do'konini yaxshilash orqali o'z sohasida №1 bo'lishi mumkin. Bizda hech qachon maxsus shartlarga 
ega bo'lgan yetkazib beruvchilar bo'lmaydi - hamma teng sharoitda raqobatlashadi. 
Platformamizda har qanday nohaq raqobat bostiriladi. Biz adolatli biznes tarafdorimiz! 
 
3-tamoyil. Uzluksiz rivojlanish
 
Biz har bir hamkorga ichki bilimlar bazasidan foydalanish imkoniyatini 
beramiz. Miqyosni kengaytirish, daromadni oshirish, onlayn-do’konni samarali boshqarish va 
brendni rivojlantirish istagida bo’lganlar uchun bizda Uzum Akademiyasi – elektron tijorat 
sohasidagi mutaxassislar tomonidan amaliy mashg’ulotlar va taqdimotlardan iborat intensiv 
trening mavjud. Shuningdek, biz doimiy ravishda yangilanishlarni kiritib boramiz: biz "Shaxsiy 
kabinet" ni takomillashtiramiz, dasturni rivojlantirish ustida ishlaymiz, logistika jarayonlarini 
optimallashtiramiz, ishlanmalarni amalga oshiramiz - masalan, foizsiz va ortiqcha to'lovlarsiz to'lash 
usulini kiritdik. 
 
4-tamoyil. Do'stona munosabat va mijozlarga e’tiborlilik
 
Biz uchun tajovuzkorlik, dushmanchilik va 
ishonchsizliksiz muhit yaratish muhimdir. Uzum jamoasining barcha a'zolari har bir hamkor va 
mijozni hurmat qiladi va qadrlaydi. Biz bir xil yo'nalishda izlanamiz va har qanday muammoga 
birgalikda yechim topishni maqsad qilganmiz. Kompaniya ushbu tamoyilga rioya qilmagan 
sheriklar bilan hamkorlik qilishdan bosh tortish huquqini o'zida saqlab qoladi.