Vazirligi denov tadbirkorlik va pedagogika instituti mamajanov r. Y., Rajabov t. J., Saidaxmedov e. I kiberxavfsizlik asoslari

6
6
6

---

rasshifrovkani ta’minlovchi virus qismi ochiq ko‘rinishda saqlanishi lozim.
Bunday holatdan qutilish uchun viruslarni ishlab chiquvchilar rasshifrovka
qiluvchi kodni “mutatsiyalash” mexanizmidan foydalanadi. Bu usulning mohiyati
shundan iboratki, obyektga virus nusxasi kiritilishida uning rasshifrovka
qilinishiga taalluqli qismi shunday modifikatsiyalanadiki, original bilan matnli
farqlanish paydo bo‘ladi, ammo ish natijasi o‘zgarmaydi.
Ikkinchi jihat rezident viruslar deb ataluvchi viruslar bilan bog‘liq. Virus va
u kiritilgan obyekt operatsion tizim uchun bir butun bo‘lganligi sababli,
yuklanishdan so‘ng ular, tabiiy, yagona adres makonida joylashadi. Obyekt ishi
tugaganidan so‘ng u operativ xotiradan ishlay boshlaydi.
Rezident bo‘lmagan viruslar faqat faollashgan vaqtlarida xotiraga tushib
zaharlash va zarakunandalik vazifalarini bajaradi. Keyin bu viruslar xotirani
butunlay tark etib yashash makonida qoladi.
Ta’kidlash lozimki, viruslarni rezident va rezident bo‘lmaganlarga ajratish
faqat fayl viruslariga taalluqli. Yuklanuchi va makroviruslar rezident viruslarga
tegishli.
Qurbonni qidirish. Qurbonni qidirish usuli bo‘yicha viruslar ikkita sinfga
bo‘linadi. Birinchi sinfga operatsion tizim funksiyalaridan foydalanib faol
qidirishni amalga oshiruvchi viruslar kiradi. Ikkinchi sinfga qidirishning passiv
mexanizmlarini amalga oshiruvchi, ya’ni dasturiy fayllarga tuzoq qo‘yuvchi
viruslar taalluqli.
Topilgan qurbonni zaharlash. Oddiy holda zaharlash deganda qurbon
sifatida tanlangan obyektda virus kodining o‘z-o‘zini nusxalashi tushuniladi.
Avval fayl viruslarining zaharlash xususiyatlarini ko‘raylik. Bunda ikkita
sinf viruslari farqlanadi. Birinchi sinf viruslari o‘zining kodini dasturiy faylga
bevosita kiritmaydi, balki fayl nomini o‘zgartirib, virus badani bo‘lgan yangi faylni
yaratadi. Ikkinchi sinfga qurbon fayllariga bevosita kiruvchi viruslar taalluqli. Bu
viruslar kiritilish joylari bilan xarakterlanadi. Quyidagi variantlar bo‘lishi mumkin:
1. Fayl boshiga kiritish. Ushbu usul MS-DOSning com-fayllari uchun eng
qulay hisoblanadi, chunki ushbu formatda xizmatchi sarlavhalar ko‘zda tutilgan.

---

2. Fayl oxiriga kiritish. Bu usul eng ko‘p tarqalgan bo‘lib, viruslar kodiga
boshqarishni uzatish dasturning birinchi komandasi (com) yoki fayl sarlavhasini
(exe) modifikatsiyalash orqali ta’minlanadi.
3. Fayl o‘rtasiga kiritish. Odatda bu usuldan viruslar strukturasi oldindan
ma’lum fayllarga (masalan, Command.com fayli) yoki tarkibida bir xil qiymatli
baytlar ketma-ketligi bo‘lgan, uzunligi virus joylashishiga yetarli fayllarga tatbiqan
foydalaniladi.
Yuklama viruslar uchun zaharlash bosqichining xususiyatlari ular kiritiluvchi
obyektlar – qayishqoq va qattiq disklarning yuklanish sektorlarining sifati va qattiq
diskning bosh yuklama yozuvi (MBR) orqali aniqlanadi. Asosiy muammo-ushbu
obyekt o‘lchamlarining chegaralanganligi. Shu sababli, viruslar o‘zlarining qurbon
joyida sig‘magan qismini diskda saqlashi, hamda zaharlangan yuklovchi original
kodini tashishi lozim.
Beziyon viruslar - o‘z-o‘zidan tarqalish mexanizmi amalga oshiriluvchi
viruslar. Ular tizimga zarar keltirmaydi, faqat diskdagi bo‘sh xotirani sarflaydi
xolos.
Xavfsiz viruslar – tizimda mavjudligi turli taassurot (ovoz, video) bilan
bog‘liq viruslar, bo‘sh xotirani kamaytirsada, dastur va ma’lumotlarga ziyon
yetkazmaydi.
Xavfli viruslar – kompyuter ishlashida jiddiy nuqsonlarga sabab bo‘luvchi
viruslar. Natijada dastur va ma’lumotlar buzilishi mumkin.
Juda xavfli viruslar – dastur va ma’lumotlarni buzilishiga hamda kompyuter
ishlashiga zarur axborotni o‘chirilishiga bevosita olib keluvchi, muolajalari
oldindan ishlash algoritmlariga joylangan viruslar.
Boshqarishni virus dastur – eltuvchisiga o‘tkazish. Ta’kidlash lozimki,
viruslar buzuvchilar va buzmaydiganlarga bo‘linadi.
Viruslardan tashqari zarar keltiruvchi dasturlarning quyidagi xillari mavjud:
– troyan dasturlari;
– mantiqiy bombalar;
masofadagi kompyuterlarni yashirincha ma’murlovchi xaker utilitalari;