Водород ва кислород

СУВНИНГ ХИМИЯВИЙ ХОССАЛАРИ.
Сув молекуласи кучли кутбланган булгани учун одатдаги температурада металл ва металлмаслар (фтор ва хлор) билан реакцияга киришади:
2H₂O + 2F₂ 4HF + O₂
H₂O + CI₂ HCI + HCIO
Сув ишкорий ва ишкорий-ер металлар билан бирикиб ишкор хосил килади:
2H₂O + 2Na 2NaOH + H₂
Юкори температурада сув буги бошка металлар билан бирикиб оксид хосил килади:
2AI + 3H₂O AI₂O₃ + 3H₂
Сув купгина мураккаб моддалар билан реакцияга киришади.
H₂O + K₂O 2KOH;
H₂O + CO₂ H₂CO₃
Сув хам оксидловчи, хам кайтарувчи вазифасини бажара олади. Масалан, сув металл гидриди билан реакцияга киришиб, оксидловчи:
NaH + H₂O NaOH + H₂
кислород бириктириб олиб, водород пероксид хосил килиш реакциясида эса, кайтарувчи була олади:
2H₂O + O₂ 2H₂O₂


СУВНИ ТАЙЁРЛАШ.
Истеъмол учун ва технологик жараёнларни амалга ошириш учун сув хает манъбаи, хам эритувчи, хам хомаше, хам энергия ташувчи восита вазифасини бажаради.
Шу эхтиежни хисобга оладиган булса, сувни тайёрлаш жуда куп мехнат ва маблаг талаб килинадиган вазифадир.
Сувни истеъмол учун тайёрлаш куйидаги асосий боскичларни уз ичига олади:
1. Табиий сувни механик кушимчалардан тозалаш - тиндириш. Бунда окиб келадиган сув катта сигимли иншоотларга йигилади ва маълум муддат саклаб тиндирилади.
2. Тиндириш боскичидан кейин сувда "муаллак" холда коладиган микрогетероген заррачалардан тозалаш учун сув коагуляцияланади. Бу жараёнда сувга Fe₂(SO₄)₃; Al₂(SO₄)₃ ва CuSO₄ каби электролитлардан тегишли микдорда кушилади. Бу моддалар коагулянтлар дейилади, чунки сувдаги муаллак заррачалар мусбат ва манфий зарядли булгани сабабли, бу кучли электролитлар Fe³⁺, SO₄^2-, Al³⁺, Cu²⁺ ионларини хосил килиб, заррачаларни узлари билан йирик заррачалар хосил килиб чукмага туширади.
3. Сувни фильтрлаш. Баъзи холларда юкоридаги иккала боскичда хам механик кушимчалардан сувни тозалаш имконияти булмаса, "мато"ли, когозли ёки бошка турдаги фильтрлар оркали сув утказилиб, тозаланади.
4. Сувни дезинфекциялаш. Сувни унда мавжуд булган микроб, захарли химиявий моддалардан тозалаш учун сув хлор гази, хлорли охак солинган трубкалар, озон, кислород гази билан кайта ишланади. Бу моддалар кучли оксидловчилик хоссаларига эга булгани учун микроб ва захарли химиявий моддаларни зарарсизлантиради.
5. Сувни деаэрациялаш. Сувда эриган газлар CO₂, SO₂, O₂, Cl₂ каби газлардан тозалаш учун сув газсизлантирилади. Бунда сув махсус курилмалар оркали утказилиб, газлар чикариб юборилади.
6. Сувнинг рН - ни аниклаш. Сувда Н⁺ ва ОН^- лари микдори (рН ёки рОН) махсус асбоблар рН-метр, ионометрлар ердамида доимий улчаниб, назорат килиб борилади.
7. Сувнинг каттиклигини аниклаш ва уни юмшатиш.
Юкоридагилардан куриниб турибдики, истеъмол учун сувни ярокли холга келтириш катта мехнат ва маблаг талаб киладиган тадбирдир. Шу сабабли хар кандай ишлаб чикариш жараёнида, турмушда сувдан тежаб фойдаланиш зарур.