Вохидов Дилшод Одилович – 1-курс таянч докторант Наманган давлат университети,Наманган шаҳри

МАКТАБГАЧА ТАЪЛИМ ТАШКИЛОТИ ТАРБИЯЛАНУВЧИЛАРИДА ТАБИАТ ХАҚИДАГИ ТАСАВВУРЛАРНИ ШАКЛЛАНТИРИШНИНГ ПЕДАГОГИК ҲУСУСИЯТЛАРИ

Вохидов Дилшод Одилович – 1-курс таянч докторант
Наманган давлат университети,Наманган шаҳри
Табиат ва жамият ўртасидаги муносабатлар мураккаб тарихий характерга эга бўлиб, жамиятнинг даврлар мобайнида ривожланисҳи оқибатида табиатга кўрсатилаётган салбий таъсирлар заминида инсониятни дунёқарашини шаклланиши натижасида юз бераётганлиги ҳаммамизга маълум. Инсоният томонидан кўрсатилаётган таъсир ва уни олдини олиш мақсадида аҳолининг ёш тузилмасини инобатга олган ҳолда табиатни асраш тўғрисидаги тасаввурларни билим ва кўникмалар ёрдамида ижобий томонга йўналтиришда таълим тизими ва унинг босқичларида таълим-тарбия асосида педагогик маҳоратни янада ривожлантириш ҳозирги куннинг давр талаби ҳисобланади.
Бу борада таълим тизимининг қуйи босқичи ҳисобланган мактабгача таълим ташкилоти тарбияланувчиларида табиат ва унинг неъматларини қадрига етиш ҳамда тасаввурларни шакллантиришда тарбиячиларнинг педагогик маҳоратини ошириш ва замонавий ахборот воситаларини амалиётда қўллаш лозим.
Ўзбекистон Республикаси “Таълим тўғрисида”ги қонунинг 11-моддасида: “Мактабгача таълим бола шахсини соғлом ва етук, умумий ўрта таълим мактаблари учун ўқишга тайёрланган тарзда шакллантириш мақсадини кўзлайди. Бу таълим 6-7 ёшгача оилада,болалар боғчасида ва мулк шаклидан қатъи назар бошқа таълим муассасаларида олиб борилади[1.23.].
Юқорида фикрлар ҳозирги кунда ўз фаолиятини олиб бораётган мактабгача таълим ташкилотидаги тарбияланувчиларнинг таълим-тарбия олишлари билан биргаликда интелуктуал салоҳиятини шакллантиришга алоҳида эътибор қаратилиши хусусида тўхталиб, тарбияланувчиларни маънавий етук ва баркамол авлод бўлиб тарбияланишига алоҳида эътибор қаратилган.Кичик гуруҳ болалари табиат объектлари тўғрисидаги умумий тасаввурларни ўзлаштириш қобилиятига эга бўладилар.Шунинг учун болаларни кўпроқ яқин атрофда жойлашган, тез-тез учраб турадиган табиат объектлари билан яқиндан таништириб бориш, уларни кузатиш вақтини кўрсатиб бориш керак. Мактабгача ёшдаги кичик гуруҳ болалари эндигина табиатдаги баъзи бир ўзаро боғлиқликларни кузата бошлайдилар.