Windows jumis stoli Windows 7, Windows 8, Windows 10 os ju`klengennen keyin ekranda onin` jumis stoli payda boladi

Windows jumis stoli Windows 7, Windows 8, Windows 10 OS ju`klengennen keyin ekranda onin` jumis stoli payda boladi. Jumis stolinin` en` asting`i (aqirg`i) ta`repinde qandayda kartinka ko`rinisi sa`wlelenip onin` u`stinde sistema ha`m a`meliy programmalarg`a sa`ykes keliwshi yarliklardin` tu`rli ko`rinisleri ornalasadi. Bul yarliklardin` astinda atlari jaziladi. Yarliklar menen znachoklar arasinda o`z-ara uqsasliq ha`m ayirmashiliqlar bar. Yarlik znachoktan sirtqi ko`rinisi jag`inan shep ta`reptegi to`mengi mu`yeshindegi strelka menen ajiralip turadi ha`m ol ob`ekt penen joldi ko`rsetiw arqali baylanisadi. Yarlik o`shirilse yamasa bir orinnan ekinshi oring`a ko`shirilse ob`ektte hesh qanday o`zgeris bolmaydi. Egerde ob`ekt o`shirilse yamasa orni o`zgertilse, onda yarlikta hesh qanday o`zgeris bolmag`an menen, ol jumis islewin toqtatadi. Al znachok bolsa ob`ekt penen tikkeley baylanisqan bolip, egerde znachok o`shirilse yamasa orni o`zgertilse, onda sol zat ob`ekt penen de ju`rgiziledi. Jumis stolinda taza znachok yamasa yarlikti jaratiw ushin tishqannin` on` tu`ymesi bazibir bos orinda basiladi ha`m payda bolg`an soraw juwap aynasinan Sozdat` bo`limi saylanadi ha`m payda bolg`an aynadan kerekli bo`lim saylap alinip, jumis stolinda taza yarlik yamasa znachok payda etiledi. Egerde jumis stolindag`i yarlik ornin ko`shirip qoyg`in`iz kelse, sol yarlik u`stinde tishqan shep tu`ymesi basilg`an jag`dayda kerekli oring`a a`kelip jiberiw jetkilikli. Al yarlikti o`shiriw ushin sol yarlik u`stinde tishqan bir basilip, son` Del tu`ymesi basilsa boladi. Yarliktin` astindag`i atin o`zgertiw ushin sol jaziw u`stinde tishqan eki ret basiladi ha`m ol to`rtmu`yeshli ramkag`a aling`anda taza at klaviaturadan terip kirgiziledi. Jumis stolinda sistema ha`m a`meliy programmalarg`a sa`ykes keliwshi yarliklardin` tu`rli ko`rinisleri payda bolip, olar to`mendegiler boliwi mu`mkin: Moy kompyuter (Menin` komp`yuterim) - diskler menen islesiw, taza fayl ha`m papkalar) jaratiw, komp`yuterdi ha`m sirtqi qurilmalardi sazlaw qusag`an jumislardi orinlawg`a boladi.

Moi dokumentı (Menin` hu`jjetlerim) - paydalaniwshinin` a`meliy programmalarda islegen hu`jjetleri jiynaladi. Provodnik (Baslawshi) - fayl ha`m kataloglar u`stinde a`meller, fayllardi izlew ha`m iske tu`siriw qusag`an jumislardi orinlawg`a arnalg`an. Portfel - Internet sistemasinda paydalaniw ushin saylang`an hu`jjetler saqlanadi. Korzina - kerek emes programmalar, fayllar ha`m kataloglar (papkalar) joq etiliwi aldinan waqtinsha saqlaw ushin arnalg`an programma. Jumis stolinin` joqari ta`repinde yamasa on` ta`repinde Office paneli jaylasqan boliwi mu`mkin. Office panelinde Windows programmalarinin` ko`p paydalanatug`in programmalarinin` yarliqlari jaylasqan bolip, olardin` kereklisin iske tu`siriw ushin tishqan ko`rsetkishin sol kerekli yarlik u`stinde shertiw jetkilikli. Jumis stolinda bar yarlik ha`m belgilerdan paydalaniw ushin olar u`stinde tishqan tu`ymesin eki ret shertiw (basiw) jetkilikli. Komp`yuter yadinda jaylasqan barliq programmalardi jumis stolinda ko`rsetip qoyiw qolaysiz, sebebi jumis stolinda kereksiz zatlardin` turiwi onin` ko`rinisin buzadi ha`m mu`mkinshiligi bolg`aninsha kerekli paydalanatug`in programmalardin` ha`m sistemaliq yarlik ha`m znachoklardan paydalang`an maqul. Windows jumis stoli eki basqariw elementine iye bolip, olardin` biri Pusk tu`ymesi bolsa, ekinshisi Ma`sele Paneli (Panel` zadach) bolip tabiladi.



Pusk tu`ymesi. Bul tu`yme a`dette ekrannin` to`mengi shep mu`yeshinde jaylasqan bolip, onin` u`stinde tishqan bir shertilse, Bas menyu ashiladi. Bul menyu arqali Windows sistemasindag`i qa`legen jumisti orinlaw mu`mkinshiligi bar. Jumis stolinda ko`rinbey turg`an programmalardan yamasa basqa xizmetlerden paydalaniw ushin Pusk tu`ymesin shertiw arqali ju`rgiziledi. Pusk tu`ymesi ashilg`anda, ol jerde Programmi, Dokumenti, Nastroyka, Nayti, Spravka, Vipolnit`, Zavershenie raboti h. t. b. bo`limler boliwi mu`mkin. Bas menyuge taza bo`limler yamasa Punktlerdi qosiw ushin Nastroyka bo`limindegi Panel zadachi menyu “Pusk” bo`limi arqali Panel` zadach soraw-juwap aynasina kiriledi ha`m Nastroyka menyu punktine o`tiledi. Bul jerde Obzor. . . tu`ymesi arqali kerekli programma aynadag`i kesteden saylap alinadi ha`m sa`ykes yarlik qoyiladi. Panel` zadach aynasinda Parametrı paneli zadach bo`liminde ma`seleler qatarin (ekrannin` en` to`mengi qatari) redaktorlaw mu`mkin. Tishqan ja`rdeminde ob`ektler menen isleskende to`mendegi a`meller orinlanadi: tishqan ko`rsetkishin apariw, shertiw, eki ret shertiw, ko`shiriw, on` tu`ymeni shertiw ha`m arnawli ko`shiriw a`meli. Ma`sele Paneli. Bul ekran astinda jaylasqan gorizontal` qatar boladi. Onin` shep ta`repinde Pusk tu`ymesi, al on` ta`repinde u`lken bolmag`an indikatsiya paneli jaylasadi. Indikatsiya panelinde ko`p paydalanatug`in bazi bir indikatorlardin` mayda belgileri jaylasadi. Bul mayda belgiler misal ushin sistemali saattiki, klaviatura rejimin ko`rsetiwshi h. t. b. boladi. Ma`sele panelinin` tiykarg`i u`lesin ashiq turg`an ayna ha`m programma tu`ymesi iyeleydi. Egerde jumis stolinda qandayda programma iske tu`sirilse yamasa ayna ashilsa ma`sele panelinde sa`ykes tu`yme payda boladi. Ma`sele panelinin` quramindag`i tu`ymeler Windows-tin` qanday ob`ektlerinin` ha`zirgi waqitta jumis islep atirg`anin an`latadi. Ashiq aynalardin` yamasa programmalardin` birewinen ekinshisine o`tiw Ma`sele panelindegi belgi u`stinde tishqan shertiliwi arqali orinlanadi. Ma`sele Paneli qatarin ekrannin` qa`legen ta`repine ko`shirip qoyiwg`a boladi. Onin` ushin Ma`sele qatari u`stinde tishqan ko`rsetkishi a`kelip shep tu`ymesi basilg`an jag`dayda kerekli ta`repke a`kelip jiberiliwi jetkilikli.