Xavfsizlikning umumiy talablari

Mavzu: Metallarga sovuqlayin ishlov berganda texnika havfsizligi qoidalariga rioya qilish
Reja:
1. Xavfsizlikning umumiy talablari.
2.Ish boshlashdan oldingi xavfsizlik talablari
3.Ish vaqtidagi xavfsizlik talablari
4.Avariya vaziyatlardagi xavfsizlik talablari
5.Ish tugagandan keying xavfsizlik talablari


XAVFSIZLIKNING UMUMIY TALABLARI
1. Ushbu yo'riqnoma boshqarish pultidan turli detallarga dastur bilan boshqariladigan (DBB) sozlangan stanoklarda ishlov berish jarayonini bajaradigan dastur bilan boshqariladigan stanoklar operatori uchun mo'ljallangan. Ko'p maqsadli raqamli dastur bilan boshqariladigan stanoklarga xizmat ko'rsatish (RDBB 6 razryaddan).
2. DBB stanoklar operatori bo'lib ishlashga ruxsat beriladigan shaxslar:
2.1 tibbiy ko'rikdan o'tganlar;
2.2 kasbiy ko'nikmaga ega bo'lgan, "Mehnat muhofazasi bo'yicha o'qishlarni tashkil qilish va bilimlarni sinash to'g'risidagi Nizom"ga muvofiq ushbu ishlarning xavfsiz usullari va yo'llari bo'yicha o'qigan, bilimlari tekshirilgan va belgilangan shakldagi guvohnoma olganlar;
2.3 kirish instruktajini, shuningdek bevosita ish joyida xavfsizlik texnikasi bo'yicha instruktajni o'tish ("Nizom"ga muvofiq);
2.4 mehnat sharoitlari bo'yicha yuk ko'tarish mexanizmlar yordamida yuklarni ko'tarish, tashish va o'rnatish bilan bog'liq bo'lgan DBB stanoklar operatori "Nizom"ga muvofiq qo'shimcha maxsus o'qishni o'tishi kerak;
3. DBB stanok operatori quyidagilarga majbur:
3.1. ichki mehnat tartibi qoidalarini, korxonadagi mehnat va dam olish tartibini bajarish;
3.2. belgilanmagan joylarda chekmaslik va korxona hududida spirtli ichimliklarni iste'mol qilmaslik;
3.3. ushbu yo'riqnoma talablarini bajarish;
3.4. ish vaqtida yonida ishlarni bajarishning xavfsiz usul va yo'llari bo'yicha bilimlari sinalganligi to'g'risidagi guvohnoma bo'lishi;
3.5. korxonada amal qiluvchi me'yorlarga muvofiq berilgan maxsus kiyim, maxsus poyabzal, saqlovchi moslamalar va himoya vositalardan foydalanish;
3.6. yong'in xavfsizligi talablarini bajarish ;
3.7. baxtsiz hodisa ro'y berganda jabrlanganlarga shaxsga birinchi yordamni ko'rsatishni bilish, imkoni boricha voqea sodir bo'lgan joyda vaziyatni saqlab turish va sodir bo'lgan voqea haqida bevosita rahbarga xabar berish;
3.8. ish bajarganda shaxsiy gigiena qoidalariga amal qilish;
3.9. stanoklarning, mexanizmlarning aniqlangan nosozliklari va xavfsizlik talablari buzilishining boshqa holatlari haqida ustaga (brigadirga) xabar berish va tegishli choralar ko'rilgunga qadar ishga kirishmaslik;
3.10. Xizmat ko'rsatiladigan DBB va RDBB stanoklar tuzilishini bilish;
4. Ushbu yo'riqnoma talablarini bajarmaslik, ishlab chiqarish intizomini buzish hisoblanadi, bunda aybdorlar mehnat ichki tartib qoidalariga (MITQ) muvofiq belgilangan tartibda javobgarlikka tortiladi.
5. DBB stanoklar operatoriga ish vaqtida quyidagi xavfli va zararli ishlab chiqarish omillari ta'sir etishi mumkin:
5.1. jihozning aylanuvchi va harakatlanuvchi qismlari;
5.2. el. toki;
5.3. moylovchi - sovituvchi suyuqliklar (MSS).


ISh BOShLAShDAN OLDINGI XAVFSIZLIK TALABLARI
6. DBB stanok operatori quyidagilarga majbur:
6.1. bu ishlarni bajarish uchun kerak bo'lgan maxsus kiyimni kiyish, yeng qaytarmasini tugmalash yoki bog'lab qo'yish, bosh kiyimni kiyish, ayollarga sochlarini uchlari chiqib turmaydigan qili bog'langan ro'mol ostiga olib qo'yish, maxsus poyabzalni va individual himoya vositalarini (saqlagich ko'zoynagi) kiyish va tartibga keltirish;
6.2. stanokni smenachidan qabul qilish, stanok, ish joyi yaxshi tozalanganini tekshirish, o'tgan smena ishida bo'lgan nosozliklar va ularni bartaraf etish uchun ko'rilgan choralar bilan tanishib chiqish;
6.3. stanok nosozligi haqida masterga xabar berish va ular bartaraf etilganga qadar ishga kirishmaslik;
6.4. qirindini olish uchun ilgakni va kerakli asbobni tayyorlash, dastasi sirtmoq shaklida bo'lgan ilgak qo'llamaslik;
6.5. asbob va moslamalar sozligini tekshirish va ulardan faqat belgilangan maqsadda foydalanish;
7. Stanokni salt yurishga ulash va tekshirish:
7.1. boshqarish organlar sozligini (asosiy harakat, uzatish, ishga tushirish, to'xtatish va harakat va b.q . mexanizmlari);
7.2. moylash va sovitish tizimlar sozligini tekshirish, surkov moyi va sovituvchi suyuqlik me'yorda va uzluksiz uzatilayotganiga ishonch hosil qilish, sovituvchi suyuqlikni faqat nasos yordamida uzatish;
7.3. ulash va almashlab ulash richaglar fiksasiyasi sozligini (salt yurishda o'z - o'zidan ishchi yurishga o'tish ehtimoli yo'qligiga ishonch hosil qilish);
7.4. kesish zonasidagi ihotasi, oqimli-tortuvchi ventilyatsiya, signalizatsiya, blokirovka va saqlovchi moslamalar va zaminlash sozligini;
7.5. stanokning harakatlanuvchi qismlarida ayniqsa, shpindelida, bo'ylama yoki ko'ndalang support salazkalarida qadalishlar yoki bo'sh joy o'zgarishi.
8. Ombordan dastaki asbobni olganda uning sozligini tekshirish. Egov dastasida yorilishidan saqlovchi metall halqaga bo'lishi kerak.
Bolg'a oval kesimli, metall pona qoqib chiqilgan va yog'ochning qattiq va egiluvchan dastaga o'tqizilgan bo'lishi kerak, bolg'a muhrasining yuzasi tekis, bir oz qavariq bo'lishi kerak. Muhrasi urilib qiyshaygan, yoriqlari, naklyoplari bo'lgan, shuningdek dastaga yaxshi mahkamlanmagan bolg'a bilan ishlashga ruxsat berilmaydi.
Zubilo va boshqa zarbali asbob uzunligi 150 mm dan kam bo'lmasligi va zarba beruvchi qismida naklyop bo'lmasligi kerak.
Gayka klyuchlar soz va gayka o'lchamlariga mos bo'lishi kerak.
9. Qo'llarni moyda, emulsiyada, kerosinda yuvmaslik va qirindilar bilan ifloslangan tozalash (artish) uchun ishlatiladigan lattaga artmaslik.
10. Stanokni har ishga tushirishdan oldin, uni ishga tushirish hech kimga xavf tug'dirmasligiga ishonch hosil qilish.
11. Stanokning mahalliy yoritilishini tekshirish va uni shunday to'g'rilash kerakki, ishchi zona yetarlicha yoritilsin va yorug'lik ko'zni qamashtirmasin.
Vaqti - vaqti bilan lampa armaturasini artib turish.
12. Elektr energiyasini uzatishda uzilishlar bo'lsa, darhol stanokni o'chirish.
13.Asbob va moslamalarni ishlatish uchun qulay tartibda joylashtirish.
14. To'g'ri charxlangan kesuvchi asboblardan foydalanish.
15. Stanokning ishqalanuvchi qismlarini tekshirish va kerak bo'lsa ularni moylash. Moylaganda faqat muvofiq moslamalardan foydalanish.
15.1. zaminlash mavjudligi va sozligi tekshirish.


ISh VAQTIDAGI XAVFSIZLIK TALABLARI
16. DBB va RDBB stanoklarda ishlaganda quyidagilar lozim:
16.1. "Stanok uchun qo'llanma"da bayon qilingan stanoklarga qarash va xizmat ko'rsatish ko'rsatmalarini, shuningdek stanokdagi ogohlantiruvchi jadval talablarini bajarish;
16.2. kesuvchi asbobni o'rnatish va yechib olish, shuningdek o'lchash ishlarini stanok to'liq to'xtagandan keyin amalga oshirish;
16.3. kesish joyini yopuvchi himoya ekrani, support to'sig'ining, asboblar qutisining (magazini) va almashinadigan tishli g'ildirakning himoya kojuxi bilan ishlash;
16.4. klyuchning uzilishidan ehtiyot bo'lish, gaykaga klyuchni to'g'ri qo'yish, gaykani siltov bilan qismaslik;
16.5. stanok ishlayotganda ishlayotgan stanok orqali predmetlarni olmaslik va uzatmaslik, bolt, gayka va stanokning boshqa biriktiruvchi detallarini tortib mahkamlamaslik;
16.6. ishlov berilayotgan detalga yoki keskichga qirindi o'ralishidan ehtiyot bo'lish va chirmashadigan qirindilarni o'ziga yo'naltirmaslik;
16.7. ishlov berilayotgan detaldagi g'udurlardan ehtiyot bo'lish;
16.8. ish joyidan qirindilarni o'z vaqtida olib tashlanishini kuzatish;
17. Quyidagilar hollarda stanokni albatta to'xtatish va elektryuritgichni uzish:
17.1. stanok yonidan qisqa muddatga bo'lsa ham ketganda (ikki yoki bir nechta stanokka xizmat ko'rsatish topshirilgan bo'lmasa);
17.2. ishni vaqtincha to'xtatganda;
17.3. elektr energiya uzatish uzilsa;
17.4. stanokni yig'ishtirganda, tozalaganda, moylaganda;
17.5. stanok ishlashida nosozliklar aniqlansa;
17.6. bolt, gayka va stanokning boshqa biriktiruvchi detallarini burab mahkamlaganda;
17.7. detallarni o'rnatganda, o'lchaganda va almashtirganda;
17.8. keskichning kesuvchi qirrasini tozalaganda va tekshirganda;
17.9. stanok shkivlaridan tasmalarni yechib olganda va kiydirganda;
18. Detallarga ishlov berganda, ushbu detal uchun operatsion kartada ko'rsatilgan kesish tartibini qo'llash.
19. Stanok va ishga tushiruvchi moslamalarni ta'mirlaganda stanokka "Ulamang - odamlar ishlayapti" yozuvli plakat osib qo'yilgan bo'lishi kerak.
20. Taqiqlanadi!
20.1. Stanokda elektron boshqarish tizimidagi nosozliklarni bartaraf etish, bu uchun ustani xabardor qilish, ishni to'xtatish va stanokni uzish kerak.
21. Stanokka tegishli dastur asosida kesuvchi asbobni chiniqtirish va sozlash ishlarini (mexanik qutidagi asboblar to'plami) texnologik kartada ko'rsatilgan ketma - ketlikda, mexanik qutidagi to'g'ri to'plam bilan amalga oshirish. Asbobni har bir sozlangandan keyin boshqaruv pultini kalit bilan dastur bilan boshqarish himoya darajasiga qo'yish.
22. Detallarni o'lchash ishlarini stanok ishlaganda bajarmaslik.
23. Ishlov berilayotgan detalning massasi va tashqi o'lchamlari stanokning pasport ma'lumotlarga muvofiq bo'lishi kerak.
24. Charxlash stanogida keskichni charxlaganda, keskichni qo'lda mahkam ushlash, qo'l ostligi va charxtoshi orasida qadalib qolishiga qo'ymaslik kerak.
25. Jilvirtosh doirasi va qo'l ostligi orasidagi tirqish 3mm dan ko'p bo'lmasligi kerak.
26. Detalni kulachokli patronga mahkamlanganda yoki planshaybadan foydalanganda detalni kulachoklar bilan imkon qadar kattalikka qamrab olish. Detalni kulachoklar bilan mahkamlagandan keyin patrondan yoki planshaybadan ularning tashqi diametr chegaralaridan chiqib turishiga yo'l qo'yilmaydi.
27. Patronni yoki planshaybani shpindelga o'rnatganda (burab qo'yganda) ular ostiga patron (planshayba ) shaklidagi o'yilgan yog'och taglikni qo'yish.
28. Og'ir patron va planshaybalarni yuk ko'tarish mexanizmlari yordamida o'rnatish.
29. Orqa babka markazi bilan tiralmagan kulachokli patronga faqat kalta, uzunligi ikki diametrdan oshmaydigan, muvozanatlashgan detallarni mahkamlash mumkin, boshqa holatlarda tirab qo'yish uchun orqa babkadan foydalanish.
30. Detallarga markazlarda ishlov berganda, orqa babka o'rnatilgan - o'rnatilmaganligini tekshirish va buyumni o'rnatgandan keyin markazni moylash.
31. Katta tezlikda ishlaganda stanokka tegishli aylanuvchi markazni qo'llash
32. Yeyilgan yoki tiqilgan markazlar bilan ishlashga yo'l qo'yilmaydi.