Y3000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

Soliqlar va boshqa majburiy to‘lovlarni to‘lash
uchun foydaning ishlatilishini hisobga oluvchi
schyotlarning (9800) bog‘lanishi

Mazkur guruh schyotlari qonunchilikda belgilangan foyda solig‘i bo‘yicha yil davomida hisoblangan bo‘nak to‘lovlari va qayta hisoblash bo‘yicha haqiqatda foydadan to‘lovlarni hisobga olish uchun mo‘ljallangan.

Hisob quyidagi schyotlarda amalga oshiriladi:
9810 "Foyda solig‘i bo‘yicha xarajatlar";
9820 "Foydadan hisoblangan boshqa soliqlar va majburiy yig‘imlar bo‘yicha xarajatlar".
Yil davomida byudjetga soliqlar va boshqa ajratmalar bo‘yicha hisoblangan to‘lovlar 9810 "Foyda solig‘i bo‘yicha xarajatlar", 9820 "Foydadan hisoblangan boshqa soliqlar va majburiy yig‘imlar bo‘yicha xarajatlar" schyotlarining debetida byudjetga to‘lovlar bo‘yicha qarzlarni (turlari bo‘yicha) hisobga oluvchi schyotlar bilan bog‘langan holda aks ettiriladi.
Hisobot davri tugashi bilan yillik moliyaviy hisobot tuzilganda ushbu schyotlar 9910 "Yakuniy moliyaviy natija" schyoti bilan bog‘langan holda yopiladi.

T/r	Xo‘jalik operatsiyasining mazmuni	Bog‘lanuvchi schyotlar		Yozuvlarni tasdiqlovchi hujjatlar
		debet	kredit
1	Foyda solig‘i hisoblangan	9810	6410	Foyda solig‘ini hisoblash shakli
2	Obodonlashtirish va ijtimoiy infratuzilmani rivojlantirish solig‘i hisoblangan	9820	6410	Obodonlashtirish va ijtimoiy infratuzilmani rivojlantirish uchun soliqni hisoblash shakli
3	Mikrofirma va kichik korxona tomonidan yagona soliq to‘lovi hisoblangan	9820	6410	Yagona soliq to‘lovini hisoblash shakli
4	Savdo korxonasi tomonidan yagona soliq to‘lovi hisoblangan	9820	6410	Yagona soliq to‘lovini hisoblash shakli
5	To‘lanishi bir necha yilga kechiktirilgan foyda solig‘i bo‘yicha kechiktirilgan majburiyat summasi aks ettirilgan:			Foyda solig‘ini hisoblash shakli
	- joriy qismiga	9810	6240
	- uzoq muddatli qismiga	9810	7240
6	Soliq bo‘yicha xarajatlar foyda solig‘i bo‘yicha majburiyatlardan ortiq bo‘lganda vaqtinchalik farqlar bo‘yicha kechiktirilgan soliq summasi aks ettirilgan:			Foyda solig‘ini hisoblash shakli
	- foyda solig‘i bo‘yicha xarajatlar summasiga	9810	6410
	- soliq bo‘yicha kechiktirilgan majburiyatlar summasiga	9810	6250, 7250
7	Soliq bo‘yicha xarajatlar foyda solig‘i bo‘yicha majburiyatlardan kam bo‘lganda vaqtinchalik farqlar bo‘yicha kechiktirilgan soliq summasi aks ettirilgan:			Foyda solig‘ini hisoblash shakli
	- foyda solig‘i bo‘yicha xarajatlar summasiga	9810	6410
	- kechiktirilgan soliq summasiga	0950, 3210	6410
8	Har yili foyda solig‘i bo‘yicha kechiktirilgan majburiyatlar hisobdan chiqarilgan	6250	6410	Foyda solig‘ini hisoblash shakli
9	Har yili vaqtinchalik farqlar bo‘yicha kechiktirilgan soliq summasi hisobdan chiqarilgan	6410	3210	Buxgalteriyaning hisob-kitobi
10	Hisobot yilining oxirida soliq va boshqa majburiy to‘lovlarni to‘lash uchun foydadan foydalanishni hisobga oluvchi schyotlar yopilgan	9910	9810, 9820	Buxgalteriyaning hisob-kitobi