Y3000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

Moliyaviy faoliyat daromadlarini hisobga
oluvchi schyotlarning (9500) bog‘lanishi

Mazkur guruh schyotlari moliyaviy faoliyatdan olingan daromadlar to‘g‘risidagi axborotni umumlashtirish uchun mo‘ljallangan.

Hisob quyidagi schyotlarda amalga oshiriladi:
9510 "Royalti ko‘rinishidagi daromadlar";
9520 "Dividendlar ko‘rinishidagi daromadlar";
9530 "Foizlar ko‘rinishidagi daromadlar";
9540 "Valyutalar kurslari farqidan daromadlar";
9550 "Moliyaviy ijaradan daromadlar";
9560 "Qimmatli qog‘ozlarni qayta baholashdan daromadlar";
9590 "Moliyaviy faoliyatning boshqa daromadlari".
Hisobot davri davomida yuqorida qayd etilgan daromadlar ushbu schyotlarning kreditida debitorlik qarzi, pul mablag‘lari, majburiyatlar va hokazolar hisobga oluvchi schyotlar bilan bog‘langan holda aks ettiriladi.
Hisobot davrining oxirida moliyaviy faoliyat daromadlarini hisobga oluvchi schyotlar yakunlovchi aylanmalar bilan 9910 "Yakuniy moliyaviy natija" schyotiga o‘tkaziladi.

T/r	Xo‘jalik operatsiyasining mazmuni	Bog‘lanuvchi schyotlar		Yozuvlarni tasdiqlovchi hujjatlar
		debet	kredit
1	Olinadigan royalti ko‘rinishidagi daromadlar summasi aks ettirilgan	4850	9510	Buxgalteriyaning hisob-kitob ma’lumotnomasi
2	Boshqa korxonalarda ulushli ishtirok etganligidan olingan dividend ko‘rinishidagi daromadlar; hisob-kitob va boshqa hisob-kitob schyotlaridagi mablag‘lardan foydalanganligi uchun banklardan olingan daromadlar; korxonaga tegishli aksiyalar va boshqa qimmatli qog‘ozlar bo‘yicha dividendlar aks ettirilgan	4840	9520	E’lon, bildirgi
3	Olingan kreditlar va qarzlar bo‘yicha hisoblangan foizlar summalari aks ettirilgan	4830	9530	Shartnoma, foiz to‘lovlari bo‘yicha hisob-kitob jadvali
4	Hisobdan chiqarishning to‘g‘ri usuli bilan chet el valyutasidagi uzoq muddatli moliyaviy qo‘yilmalarga oid operatsiyalar bo‘yicha musbat kurs farqlari moliyaviy natijalarga hisobdan chiqarilgan	0610-0690	9540	Valyutalarning amaldagi kursi asosida hisob-kitob
5	Hisobdan chiqarishning to‘g‘ri usuli bilan chet el valyutasidagi qisqa muddatli moliyaviy qo‘yilmalarga oid operatsiyalar bo‘yicha musbat kurs farqlari moliyaviy natijalarga hisobdan chiqarilgan	5810-5890	9540	Valyutalarning amaldagi kursi asosida hisob-kitob
6	Hisobdan chiqarishning to‘g‘ri usuli bilan chet el valyutasidagi uzoq muddatli debitorlik qarziga oid operatsiyalar bo‘yicha musbat kurs farqlari moliyaviy natijalarga hisobdan chiqarilgan	0910-0990	9540	Valyutalarning amaldagi kursi asosida hisob-kitob
7	Hisobdan chiqarishning to‘g‘ri usuli bilan chet el valyutasidagi joriy debitorlik qarziga oid operatsiyalar bo‘yicha musbat kurs farqlari moliyaviy natijalarga hisobdan chiqarilgan	4010-4890	9540	Valyutalarning amaldagi kursi asosida hisob-kitob
8	Hisobdan chiqarishning to‘g‘ri usuli bilan chet el valyutasidagi pul mablag‘larining qoldig‘i bo‘yicha musbat kurs farqlari moliyaviy natijalarga hisobdan chiqarilgan	5020-5210, 5220	9540	Valyutalarning amaldagi kursi asosida hisob-kitob
9	Hisobdan chiqarishning to‘g‘ri usuli bilan chet el valyutasidagi joriy kreditorlik qarzi bo‘yicha musbat kurs farqlari moliyaviy natijalarga hisobdan chiqarilgan	6010-6990	9540	Valyutalarning amaldagi kursi asosida hisob-kitob
10	Hisobdan chiqarishning to‘g‘ri usuli bilan chet el valyutasidagi uzoq muddatli kreditorlik qarzi bo‘yicha musbat kurs farqlari moliyaviy natijalarga hisobdan chiqarilgan	7010-7920	9540	Valyutalarning amaldagi kursi asosida hisob-kitob
11	Hisobdan chiqarishning jamlash usuli bilan chet el valyutasiga oid operatsiyalar bo‘yicha musbat kurs farqlari moliyaviy natijalarga hisobdan chiqarilgan	6230	9540	Valyutalarning amaldagi kursi asosida hisob-kitob
12	Moliyaviy ijara shartnomasi bo‘yicha hisoblangan foizlar summalari aks ettirilgan	4810	9550	Shartnoma, foiz to‘lovlari bo‘yicha hisob-kitob jadvali
13	Qimmatli qog‘ozlarning xarid qilish va nominal qiymati o‘rtasidagi farq (xarid qilish qiymati past) aks ettirilgan (qo‘shimcha hisoblangan)	0610, 5810	9560	Buxgalteriyaning hisob-kitobi
14	Hisobot davrining oxirida moliyaviy faoliyatdan daromadlarni hisobga oluvchi schyotlarda hisobga olingan natijalar 9910 "Yakuniy moliyaviy natija" schyotiga hisobdan chiqarilgan	9510, 9520, 9530, 9540, 9550, 9560, 9590	9910	Buxgalteriyaning hisob-kitobi