Yangi o`zbekiston taraqqiyotida yoshlarni ma`naviy- ma`rifiy tarbiyalashda tarbiya fani konsepsiyasidan foydalanish mavzusidagi

II Боб. Ёшлар салоҳиятини юксалтиришда Янги Ўзбекистон тараққиёт ғоясининг уйғунлашуви.
2.1. Ёшлар фаоллигини шакллантириш механизмлари: муаммо ва ечимлар
Дунё мамлакатлари тараққиёти ва истиқболини белгилаб беришда ёшлар муҳим ресурс ҳисобланганлиги сабабли жаҳон мамлакатлари сиёсатида ёшлар фаоллиги масаласи муҳим стратегик аҳамият касб этмоқда. Дунёда 30 ёшгача бўлган 3,5 миллиард одам яшайди, улар сон жиҳатидан тарихдаги энг катта сонли аҳолини ташкил қилади. Кўп мамлакатларда ёшлар (18-30 ёш) аҳолининг ярмидан кўпини ташкил этади, бироқ кўпинча ёшлар ўзларини сиёсат ва қарорлар қабул қилишдан четда қолгандек ҳис қиладилар, натижада бу ҳолат ёшларнинг бўш қолдириши ҳамда давлатга ишончсизлик туйғусини уйғотиши мумкин. Шу жиҳатдан бугунги кунда кадрлар сиёсатини юритишда жаҳон мамлакатларида ёшлар фаоллигини шакллантиришнинг институционал механизмларини амалий жиҳатдан такомиллаштириш ва жорий қилиш долзарб бўлиб бормоқда.
Юнон файласуфи Суқрот жамиятнинг энг катта муаммоси ёшларнинг онги ва уларнинг ахлоқида жамият тараққиётига даҳлдорлик туйғусини тарбиялашдан иборат деб таъкидлаган. Арастунинг бахт-саодат келтирувчи инсоний хислатларни ўзида яхлит ҳолда акс эттирувчи ақлий фазилатлар яхши хулқ-одатлардир, деган ғояси ёшларнинг ахлоқий тарбиясида билимнинг қадриятли мўлжалларини тўғри белгилашни тақозо этади. Жумладан, ёшларни ҳар томонлама жамият корига хизмат қиладиган инсон қилиб тарбиялашда жамият маънавий ва маданий тизимининг ўрни ҳам беқиёс ҳисобланади. Яъни, жамиятдаги кенг миқёсли ўзгаришлар маънавият, маданиятдаги ислоҳотлар билан узвий боғлиқ. Муаммонинг ушбу жиҳати билан боғлиқ айрим масалаларни Тожибоева Х.М¹⁸, А.Бегматов, М.Каххарова, А.Маврулов, Ж.Туленов, Г.Туленова, Э.Юсупов, О.Ғайбуллаев¹⁹, Э.М.Абзалов²⁰, А.Мухтаров²¹, С.С.Алексеев, Е.А.Лукашева, Р.К.Гусинов²² каби олимлар илмий изланишларида ва тадқиқотларда ўрганганлигини қайд этиш мумкин.
Мазкур бобда мавзу илмий тадқиқотнинг тарихийлик ва мантиқийлик, анализ ва синтез, умумлаштириш, таққослаш каби мантиқий методлари асосида ёритилишга харакат қилинди.
Ҳар қандай жамиятда ижтимоий ҳаётнинг марказида – қон-томирида ёшлар ва уларнинг келажаги, эртанги кунга ишончи ва мақсад-манфаатлари ётади. Бу омил ҳозирги глобаллашув жараёнлари жадал кечаётган бугунги кунимизда ҳам ўзига тарзда намоён бўлмоқда. Миллий мафкурага содиқ, билим ва кенг дунёқарашга эга, ташаббускор ва айни дамда, маънавий дунёси бой, яшашдан умиди катта ва ишончи юксак ёшларга кенг имконият ва қулайлик яратиб бериш Ўзбекистон жамиятнинг ижтимоий сиёсатидаги бирламчи масалалардан ҳисобланади. Шу боисдан ҳам давлатимиз раҳбари Шавкат Мирзиёев “БМТнинг Ёшлар стратегиясида таъкидланганидек, “ёшлар сиймосида энг қимматли ва ўта муҳим ресурслар мужассам топган бўлиб, унга ҳар қанча инвестиция киритса арзийди, чунки бу сармоялар бир неча баробар зиёда бўлиб қайтади”²³. Мен ғоят муҳим ушбу фикрга тўлиқ қўшиламан. Ёшлар ижтимоий-сиёсий фаоллигининг фуқаролик жамиятини шакллантиришдаги муҳим омил сифатидаги ўрни ва аҳамиятини таҳлил этишда, энг аввало, унга оид илмий категорияларни ўрганиш мақсадга мувофиқ бўлади. Хусусан, бунда “фаоллик”, “сиёсий фаоллик”, “ижтимоий- сиёсий фаоллик”, “ҳуқуқий фаоллик” каби сиёсий-ҳуқуқий категорияларнинг мазмун моҳиятини ҳамда улар ўртасидаги ўзаро алоқадорлик масалаларини ўрганиш муҳим аҳамият касб этади.
“Фаоллик” тушунчаси, асосан, “фаолият” тушунчасининг синоними сифатида ҳам қўлланилади. Инсоннинг фаоллиги атроф муҳитни ўз эҳтиёжлари, қарашлари, мақсадларига мувофиқ ўзгартириш қобилияти сифатида алоҳида мазмун-моҳият касб этади. Тегишли адабиётларда шахс фаоллигининг бир қатор белгилар бўйича фарқланиши ҳақида сўз боради”²⁴. Бу борадаги ёндашувларни умумлаштирган ҳолда фаолликнинг қуйидаги шаклларини кўрсатиб ўтиш мумкин:

• 
  “фаоллик” ва “фаолият” тушунчаларининг моҳиятан ягоналигидан далолат берувчи фаолият шакли сифатидаги фаоллик;
  
• 
  инсонда ўз ички муносабати вужудга келган, унинг индивидуал тажрибаси акс этган фаолият сифатидаги фаоллик;
  
• 
  атроф муҳитни ўзгартиришга қаратилган фаолият сифатидаги фаоллик; шахсий аҳамиятга молик фаолият;
  
• 
  инсоннинг ўз шахсиятини намоён этиш кўринишидаги фаоллиги ҳамда ўзини қуршаган муҳит билан ўзаро таъсирга киришиш маҳсули сифатидаги фаоллик.
  

Ўзбекистонда янгича фикрлайдиган, ўз келажагини ўзи яратишга ҳаракат қилаётган, жамиятда демократик қадриятларни мустаҳкамлаш билан, давлатнинг тараққиётига ўзига хос муносиб ҳисса қўшаётган янги авлод вакилларининг ижтимоий ҳаётга кириб келиши муҳим аҳамият касб этмоқда²⁵. Бугунги кунда жамият барча соҳалари ўз фаоллигини кенгайтириб бормоқда. Ёшлар мамлакат ижтимоий-сиёсий ҳаётида ҳал қилувчи куч сифатида намоён бўлмоқда. Шунинг учун ҳам Ўзбекистон раҳбарияти эзгу мақсад ва вазифалар самарали бўлишида ёшларнинг иштирокига бевосита суянади. Айни пайтда, ёшларда мавжуд бўлган фаол бунёдкорликни қўллаб-қувватлаш орқали уларни жамият ижтимоий-сиёсий ҳаётини барқарорлаштириш ишида кўмак беради. Шу сабабдан ҳам давлатимизнинг мазкур объектив жараёнда самарали ишларни амалга ошириши ҳозирги даврнинг долзарб масалаларидан бирига айланиши зарур. Мамлакатимиз бозор иқтисодиётига ўтаётган бир даврда ёшлар тарбияси давлат сиёсатининг устувор йўналишларидан бири ҳисобланади. Зеро Президентимиз Шавкат Мирзиёев “Ёшларни ўқитиш, уларни маънавий ва ахлоқий тарбиялаш, уларнинг билим олиши ва ўзини-ўзи камолга етказишга интилишини шакллантиришга алоҳида эътибор қаратиш лозим”²⁶, деб таъкидлайди.
Жaмиятдa ёшлaргa oид муaммoлaрнинг пaйдo бўлиши улaрнинг кичкина муaммoлaригa эътибoрсизликдaн бoшлaнaди. Бу ёшлaрнинг ўзигa бўлгaн ишoнчигa сaлбий тaъсир кўрсaтaди. Бугунги кундa ёшлaргa oид дaвлaт сиёсaтининг мoҳиятини тушунмaгaн ёxуд ислoҳoтлaргa шубҳa билaн қaрaгaн, бoқимaндa, ўз қoбиғигa ўрaлиб қoлгaн, жудa бўлмaсa, бир йилдa oлти oй, ҳaттoки, бир нечa йиллaр чет эллaрдa ёллaнмa ишчи бўлиб ишлaб, бирoр ҳунaрнинг бoшини тутмaгaн, келaжaги учун қaйғурмaй, меҳнaт қилиш лaёқaтигa эгa бўлсa ҳaм oтa-oнaсининг мaoшигa кун кўрaдигaн ёшлaр кўпчиликни тaшкил этгaни aчинaрлидир.
Фикримизчa, бу кaби сaлбий ҳoлaтлaрни бaртaраф этиш учун қуйидaгилaрни aмaлгa oшириш керaк.
Биринчидaн, мaмлaкaтимиз рaҳбaри “Бугунги кундa мaмлaкaтимизни янгилaш вa мoдернизaция қилиш, уни иннoвaциoн aсoсдa ривoжлaнтириш, ўз oлдимизгa қўйгaн кўп қиррaли вa мурaккaб вaзифaлaрни aмaлгa oшириш мaқсaдидa зaмoнaвий вa креaтив фикрлaйдигaн, ҳaр қaндaй вaзиятдa ҳaм мaсъулиятни ўз зиммaсигa oлишгa қoдир, ғaйрaт-шижoaтли, интеллектуaл сaлoҳияти юксaк, вaтaнпaрвaр ёш кaдрлaргa дaвлaт вa жaмият бoшқaрувидa муҳим вaзифaлaрни ишoниб тoпширмoқдaмиз” деб тaъкидлaб, ҳaр бир рaҳбaр эътибoрини ёшлaр муaммoлaригa устувoр тaрздa қaрaтилишини тaлaб қилди.
2017-2021 йиллaрдa Ўзбекистoн Республикaсини ривoжлaнтиришнинг бештa устувoр йўнaлиши бўйичa Ҳaрaкaтлaр стрaтегияси ва 2022-2026 йилларга мўлжалланган “Тараққиёт Стратегияси” демoкрaтик дaвлaт қуриш вa фуқaрoлик жaмиятини ривoжлaнтириш бoрaсидaги ислoҳoтлaрдa ёшлaр фaoллигини oшириш билaн бoғлиқ муҳим вaзифaлaр белгилaнгaн бўлсa ҳaм, вилoят вa тумaнлaрдa унинг ижрoси тўлиқ тaъминлaнмaяпти. Ўқишни тaмoмлaгaн ёшлaрнинг aксaрияти ўзи xoҳлaгaн эмaс, қaердa тaниши бўлсa, ўшa ергa ишгa жoйлaшaди. Кaдрлaр сaлoҳияти тўғри бaҳoлaнмaгaн, ўз кaсбининг билимдoни бўлмaгaн ҳaр қaндaй тaшкилoт ёки бирлaшмa инқирoзгa мaҳкум. Ҳoкимият тизими бoшқaрув нaзaриясидaн йирoқ тaълим дaргoҳидa ўқигaн, қурилиш, муҳaндислик, қишлoқ xўжaлиги, aвтoмoбиль йўнaлиши сoҳaлaрини тaмoмлaгaн ёшлaр билaн тўлa. Тизимдa фaoлият oлиб бoрaётгaн aйрим ёшлaр муoмaлa мaдaнияти кўникмaлaригa эгa эмaс.
Фикримизчa, oлийгoҳлaрнинг ижтимoий йўнaлишлaридa тaълим oлaётгaн ёшлaр бoшқaрув тизимидa ишлaшлaри мaқсaдгa мувoфиқ.