“yarim o`tkazgichlar va dielaektriklar fizikasi”

“YARIM O`TKAZGICHLAR VA DIELAEKTRIKLAR FIZIKASI”

FANIDAN


LABORATORIYA ISHLARI TO’PLAMI
LABORATORIYA ISHI № 1
YARIMO’TKAZGICH MATERIALNING SOLISHTIRMA QARSHILIGINI ANIQLASHNING TO’RT ZONDLI USULI


Ishning maqsadi: yarimo’tkazgichmaterialning solishtirma qarshiligini aniqlashning to’rt zondli usuli bilan tanishish, yarimo’tkazgichning solishtirma qarshiligini aniqlash
Yarimo’tkazgichning solishtirma qarshiligini to’rt zondli usul yordamida aniqlash juda keng tarqalgan bo’lib, buning sababi ushbu usul yordamida har qanday shakl va o’lchamdagi yarimo’tkazgich namunasi solishtirma qarshiligini aniqlash mumkinligidir. Ushbu usulning qo’llanilishining yagona sharti yarimo’tkazgich namunasi sirtining tekis bo’lishidir. SHuning uchun tekis sirtli yarimcheksiz hajmga ega yarimo’tkazgich namunasi uchun to’rt zondli usulning qo’llanilishining nazariy asoslarini ko’rib chiqamiz.

1-rasm. Yarimo’tkazgich plastinasi sirtida zondlarning joylashishi.

Namunaning sirtiga to’rtta metall elektrod joylashtiriladi (1-rasm). Barcha elektrodlar to’g’ri chiziq bo’ylab joylashadi. Tashqi elektrodlar (1 va 4) orqali kuchsiz elektr toki Q beriladi va ichki elektrodlar (2 va 3) yordamida kuchlanish tushuvi U₂₃ o’lchanadi. Solishtirma qarshilik ni aniqlash, namunadan o’tayotgan tok Q va undagi kuchlanish U lar orasidagi bog’lanishni topish uchun namunadan tok o’tayotgan paytdagi potentsial taqsimotini ko’rib chiqamiz.