“Яшил иқтисодиёт”га ўтишнинг АҚШ тажрибаси

Германияда тикланадиган энергия, энергия самарадорлиги ва энергия истеъмолининг мақсадли кўрсаткичлари²⁵²

	Ҳолати		Мақсадли кўрсаткичлар
	2018 й.	2019 й.	2020 й.	2030 й.	2040 й.	2050 й.
Тикланадиган энергия улуши, %
Пировард энергия истеъмоли	16,5	17,5	18,0	30,0	45,0	60,0
Энергия қувватлари	37,8	42,1	камида 35,0	65,0	65,0	камида 80,0
Иссиқлик энергияси истеъмоли	14,3	14,5	14,0
Транспорт сектори	5,6	5,6	10,0
Энергия самарадорлиги ва истеъмол
Бирламчи энергия истеъмоли (2008 йилга нисбатан %)	-8,9	-10,8	-20	-30	...	-50
Энергия ишлаб чиқариш унумдорлиги, %	1,0 (2008- 17 йй.)	...	2,1 (2008-2050 йй.)
Жами электрэнергия истеъмоли (2008 йилга нисбатан %)	-4,3	-6,7	-10,0			-25,0
Қурилишда бирламчи энергияга талаб (2008 йилга нисбатан %)	-25,1	...				-80,0
Қурилишда иссиқлик энергиясига талаб (2008 йилга нисбатан %)	-6,9 (2017 й.)	...	-20,0
Транспортда пировард энергия истеъмоли (2005 йилга нисбатан %)	6,1	...	-10,0			-40,0

Германияда “яшил иқтисодиёт”ни ривожлантириш COVID-19 пандемия инқирозига қарши кураш дастурларининг устувор йўналиши сифатида баҳоланмоқда. Германия Иқтисодиёт ва энергетика, Атроф-муҳит, табиатни муҳофазалаш ва ядро хавфсизлиги каби вазирликлари мутахассислари “иқтисодиётни қўллаб-қувватлаш чора-тадбирлари иқлим ўзгаришларининг олдини олишга кўмаклашиши зарур. Иқтисодий ва иқлим сиёсати ўзаро боғлиқ бўлиши” зарурлигини таъкидлашмоқда²⁵³.


²⁵² Ўша манба
²⁵³ https://www.ey.com/de_de/decarbonization/die-wirtschaft-braucht-gruene-foerderpolitik
Германия ҳукуматининг 2020 йил июн ойида қабул қилган пандемия инқирозига қарши кураш дастурида “яшил ўсиш”ни таъминлаш масаласи марказий ўрин эгаллайди. Пандемия инқирозига қарши кураш дастурининг умумий қиймати 130 млрд. еврони ташкил этгани ҳолда иқлим ўзгаришлари ва энергетика сиёсати учун 50 млрд. евро миқдорида маблағ ажратиш режалаштирилган: Германияни водород ишлаб чиқариш соҳасида етакчи мамлакатга айлантириш стратегияси (9 млрд. евро); тикланадиган энергия манбаларини ўзлаштириш соҳаларини кенгайтириш, денгизда шамолдан энергия олиш миқдорини ошириш; қувватлаш станциялари инфратузилмасини ривожлантириш ва аккумляторлар ишлаб чиқариш (2,5 млрд. евро); биноларни қайта таъмирлаш дастурлари (2 млрд. евро); автомобиль ишлаб чиқарувчилар учун инвестициялар (2 млрд. евро); илмий- тадқиқот ва тажриба констукторлик ишларини молиялаштириш (1 млрд. евро); энергетика тизими секторини рақамлаштириш ва ўзаро боғлиқлигини кучайтириш билан боғлиқ тадқиқотларни кенгайтириш (0,3 млрд. евро).
Германия “яшил иқтисодиёт”ни ривожлантириш ва “яшил ўсиш”ни таъминлашда аниқ амалий лойиҳаларни ҳаётга тадбиқ этаётган мамлакатлардан бири бўлиб қолмоқда.