Yengil atletika va uni

Sprinter – yengil atletikaning sprinterlik turi bo‘yicha ishtirok 
etuvchi yengil atletikachi hisoblanadi. 
Stayer – uzoq masofaga yuguruvchi yengil atletikachi hisoblanadi. 
Startyor (start beruvchi) – yengil atletikaning yugurish turlarida 
sportchilarga start beruvchi hakam hisoblanadi. 
Start bayonnomasi – musobaqaning alohida bosqichlarida 
sportchilarning urinishlarni bajarishi yoki yo‘lak bo‘ylab joylashish 
tartibi ketma – ketligini aks etiruvchi hujjat hisoblanadi. 
Start dastgohi (start kolodkasi) – sprinterlik yoki to‘siqlar osha 
yugurish musobaqasini amalga oshirishda quyi start olish uchun 
moslama bo‘lib, har ikkala oyoq bilan tiralib turiladi. 
Start yugurishi – 20 – 50 metrlik yugurish kesimi bo‘lib, sportchi 
start olganidan keyin navbatdagi masofa bo‘ylab yugurish uchun 
tegishli tezlik oladi. 
Marra hakami – yengil atletikada bitta yoki bir necha sportchining 
marrada o‘rin egallashini aniqlashtiruvchi hakam hisoblanadi. 
Xronometrist hakam – angil atletikada marrada bitta yoki bir necha 
sportchining ko‘rsatgan vaqtini qayd qiluvchi hakam hisoblanadi. 
Taktik tayyorgarlik – yengil atletikachining sport tayyorgarligi 
jihatlaridan biri bo‘lib, sportchining raqib bilan kontakt holatida 
sport kurashini olib borishni o‘zlashtirishi va egallashi, kuchni 
musobaqaning turli xil bosqichlari uchun taqsimlay olishni o‘rganishi, 
marraning turli xil kesimlarida yugurish tezligi va tempini to‘g‘ri 
tanlay olishiga yo‘naltiriladi. 
Nazariy tayyorgarlik – yengil atletikasi sportchining sport 
tayyorgarligining bitta jihati bo‘lib, o‘z tarkibiga sportchining mashqni 

---

609
bajarish texnikasi haqida bilimlarni egallash darajasining oshirilishi, 
mashg‘ulotlar uslubiyati, mashg‘ulotlar rejiminng xususiyatlari va 
qayta tiklanish tavsiflari, yengil atletika sport turlari va hokazo bilimlar 
haqida yetarli ma’lumotlarga ega bo‘lishni nazarda tutadi.