YouTube muvaffaqiyatining sabablari

YOU TUBE

Youtube.com dastlab tanishuv sayti sifatida yaratilganidan koʻpchilikni xabari boʻlmasa kerak. Uning oʻsha davr uchun eng ajoyib xususiyatlaridan biri — videolarni yuklash qobiliyati boʻlgan. Asoschilari Chad Xyorli, Stiv Chen va Javed Karimning fikriga koʻra, bunday sayt foydalanuvchilarga oʻzlari olgan videolarni osongina qulay tarzda joylashtirishga yordam bergan va tanishuvlarni ancha osonlashtirgan.

Yana bir ajoyib jihati, foydalanuvchilarning oʻzi Internet gigantining kelajakdagi taqdirini belgilab berishdi: YouTubeʼga yuklangan aksariyat video filmlar foydalanuvchilarning oʻzlari haqida emas, balki atroflarida sodir boʻlayotgan voqealar haqida edi. Xyorli, Chen va Karim bu holat saytni yana-da muvaffaqiyatli qilish uchun rebrendlash zarurligini koʻrsatuvchi signal ekanligini angladilar.
YouTube asoschilari kimlar? Xyorli, Chen va Karim PayPalʼda birga ishlagan hamkasblardir. Xyorli — bosh dizayner, Chen va Karim esa loyihani rivojlantirishga masʼul muhandislari boʻlgan. Youtube.com saytini yaratish gʻoyasi Chad Xyorliga tegishlidir. Keyin u doʻstlarini PayPalʼdan ketishga koʻndirdi va yangi, yana-da qiziqarliroq loyihani boshlashga qaror qildi.
2005-yil boshida Chad bu gʻoyani hamkasblari Chen va Karim bilan oʻrtoqlashdi, 14-fevraldan boshlab ular Youtube.com domenini roʻyxatdan oʻtkazib, veb-sayt yaratishga kirishdi.
23-aprel kuni Javed 19 soniyali birinchi videoni veb-saytga joylashtirdi.
Videoda kuzatuvchilar Javed Karimni San-Diyego hayvonot bogʻida qafaslar yonida fillar bilan turgan holda tomosha qilishdi. Saytning beta-sinovini boshlagan birinchi video shu edi.

YouTube muvaffaqiyatining sabablari
Youtube.com xizmatining asosiy gʻoyasi keyinchalik shakllandi: dastlab sayt asoschilari foydalanuvchilar bir nechta videoni doʻstlari bilan boʻlishish imkonini beruvchi tizim yaratmoqchi edilar. Qoʻshimcha tarzda, loyihaning yana bir xususiyati videoni boshqa foydalanuvchilar tomonidan baholash funksiyasi boʻlishi kerak edi.
Youtube asoschilari gʻoyalari bilan xizmat koʻrsatish bozorida ayni kerakli vaqtda paydo boʻlishdi. Bu loyiha yaratilishidan oldin foydalanuvchilar doʻstlariga video yuborish uchun elektron pochtadan foydalanganlar, pochta orqali video yuborish juda noqulay va imkoniyatlari ham ancha cheklangan boʻlgan, shuningdek, BitTorrent mijozi yoki videoxostingda ham shunday holat kuzatilgan. Oxirgi variant ham yaxshi tugallanmagan: serverga yuklashda videoning hajmi qatʼiy cheklangan va imkoniyatlarni kengaytirish uchun oylik obuna toʻlash talab etilgan. Bundan tashqari, videoni real vaqt rejimida tomosha qilishning iloji yoʻq edi. Toʻliq yuklanishi maʼlum vaqt talab etgan, shuning oʻzi ham hatto bu videoni koʻrishga kafolat bermagan.
Shuning uchun Xyorli, Chen va Karim faqatgina mavjud boʻlgan onlayn xizmatlarning kamchiliklarini hisobga olishi va video kontentni faol ravishda ulashishni istagan foydalanuvchilarga eʼtibor qaratishi, shu bilan bir qatorda tubdan yangi narsalarni yaratishi kerak edi.
YouTube ijodkorlari jamoasining asosiy muvaffaqiyati sababi nafaqat gʻoya, balki uzoq muddatli ijodiy amalga oshirish imkoni edi.
Hozirgi kunda Youtube.comʼda video tomosha qilishning qulayligi maxsus pleyer yoki kodekni yuklab olishning hojati yoʻqligidir. Ishlab chiquvchilar Macromedia Flash asosida pleyerlardan foydalanishni boshladilar. Bundan tashqari, endi videolarni kalit soʻzlar orqali qidirish, mavzuga tegishli videolarni koʻrish va hk. YouTubeʼda birinchi marta video reyting xususiyati yaratildi, yaʼni eng ommabop videolar foydalanuvchilar reytingi asosida shakllandi.
YouTube yaratilishining birinchi oyidayoq rivojlangan xizmatlarning oltiligiga kirganligining yana bir muhim omili bu saytning tarkibidir. Xizmat tufayli mualliflik huquqi bilan himoyalangan mashhur tarkibni tarqatish imkoni paydo boʻldi, oldinlari maʼlumotlarni internetdan topish oson boʻlmagan.
YouTube foydalanuvchilarining oʻsishiga vidjetlar marketingi sabab boʻldi. Ushbu video xizmat paydo boʻlishi bilan, har bir kishi YouTube veb-saytidagi har qanday videoni blog postlariga, forum muhokamalariga va boshqalarga joylashtirish imkoniyatiga ega boʻldi. Ushbu imkoniyat ayniqsa MySpace.com foydalanuvchilariga juda yoqdi.
Yana bir foydali jihati, bu keng qamrovli internetning tobora kengayib borayotganligi sababli amalga oshirildi. YouTube narxi, tariflar yana-da arzonlashdi, koʻproq imkoniyatlar paydo boʻldi.

YouTube asoschilari kompyuter texnologiyalari ancha soddalashtirilganligi va qulayroq boʻlganligi haqida oʻylashdi. USB port yoki FireWire orqali arzon video kamerani yoki mobil telefon kamerasini kompyuterga ulash imkoni paydo boʻldi. Shu munosabat bilan video bloglar ommalasha boshladi va YouTube oʻzini kengroq namoyish etib, foydalanuvchilar koʻrishni istagan har bir mavzuni chop eta boshladi.
Youtube.com yana bir oʻzgarishni amalga oshirdi: foydalanuvchilar har bir yuklangan videoni belgilab qoʻygan kalit soʻzlar orqali boshqa shunga oʻxshash videoni topish anchagina osonlashdi.