Óz betinshe jumıs ushın ádebiyatlar Ózbekstan Respublikasınıń Konstitutsiyası

13-14-Tema


Óz betinshe jumıs ushın ádebiyatlar
1.Ózbekstan Respublikasınıń Konstitutsiyası.
2.Qaraqalpaqstan Respublikasınıń Konstitutsiyası.
3.Qaraqalpaq tilinde is júrgiziw. Nókis. 1990.
4.Berdimuratov E.. Házirgi qaraqalpaq tili. Leksikologiya, Bilim, 1994.
5.Berdimuratov E. Dawletov A. Ulıwma til bilimi. Nókis 1990
6.Qaraqalpaq tili. Mektepler ushın arnalǵan sabaqlıq. 2000, 2001, 2002.
7.Ózbekstan tariyxı. 10-11-klass ushın arnalǵan sabaqlıq. Nókis, 2000
8 2.Berdimuratov E.. Házirgi qaraqalpaq tili. Leksikologiya, Bilim, 1994.
26-tapsırma. Ádebiyatlardan tómendegi sorawlarǵa juwap tabıń.
1.Rásmiy is qaǵazları stili degennimiz ne hám olarǵa neler kiredi?
2.Ne ushın olar rásmiy is qaǵazları dep ataladı?
3.Ómir bayan, minezleme, málimleme, til xat, túsinik xat, arza, daǵaza, isenim qaǵaz úlgilerin jazıp beriń.
4.Rásmiy is qaǵazların ne ushın qollanamız?


26-shınıǵıw. Teksttegi tayanısh sózlerdiń mánilerin túsindiriń. Tekst tiykarında sorawdarǵa juwap beriń.
Ózbekstan Respublikasınıń Konstitutsiyası 1992-jılı 8-dekabr`de xalqımızdıń ótmish miyrası hám qádiriyatlarımızdıń jarqın belgisi sıpatında jarıqqa shıqtı. Tiykarǵı nızamımızdıń ózine say belgileriniń biri sonda, onda biybaha milliy qádiriyatlarımız óz sáwleleniwin tapqan. Mine, bir neshe jıllardan berli, tap usı kúndi xalqımız ulıwmaxalıqlıq bayram sıpatında bayramlap kelmekte. Bul Konstitutsiya insan húqıqları hám mámleket ǵárezsizligine sadıqlıq, Ózbekstan puxaralarınıń tınısh turmıs keshiriwin támiynlew sıyaqlı maxsetlerdi gózleydi.
Konstitutsiya mámleketimizdiń tiykarǵı nızamı bolıp, eń joqarı yuridikalıq kúshke iye bolǵan hújjet.
Konstitutsiya konstitutsiyalıq dúzim tiykarları, mámleket dúzilisi, mámlekettiń basqarıw túrleri, insanannıń huqıqları, olardıń erkinlikleri hám minnetleri, mámleket organların dúziw tártibi h.t.b. belgilep beredi. Konstitutsiya normaları menen jámiyettegi siyasiy-ekonomikalıq baylanısdal bekkemlenedi.
Ózbekstan Respublikasınıń Konstitutsiyası 1992-jılı 8-dekabr`de Oliy Majlis tárepinen qabıl etilgen. Sol kúni ulıwma xalıqlıq bayram dep belgilengen. Konstitutsiya kirisiw, altı bólim, 26 bap, 128 statiyadan ibarat.
Tayanısh sózler: Konstitutsiya, huqıq, ǵárezsizlik, nızam, tınıshlıq, puxara, hújjet, erkinlik, wazıypa, mámleketti basqarıw h.t.b.
Sorawlar.
1.Ózbekstan Respublikasınıń Konstitutsiyası qashan hám qalay payda boldı.
2.Konstitutsiyada neler óz sáwleleniwin tapqan?
3.Konstitutsiya nelerge kepillik beredi?
4.Konstitutsiyada qanday maxsetler gózlengen?
5.Konstitutsiya ne hám ol qanday kúshke iye?
6.Konstitutsiya neshe bólim, neshe bap, neshe statiyalardan turadı?
27-tapsırma. «Meniq huqıqlarım» degen temada tekst dúziń.