Ўзбекистон фермер, дехқон хўжаликлари ва томорқа ер эгалари кенгаши ўзбекистон тадбиркорлик ва фермерликни қЎллаб

Гербицидларни қўллаш. Сунгента компанияси лавлагининг 
бегона ўтларига қарши химиявий ўтоқ қилиш учун Дуал голд, Виктор 
ва Фюзилад фортени қўллашни тавсия этади. 
Ушбу тавсия асосида лавлагининг бегона ўтларига қарши 
қуйидагича ишлов берилади: дастлаб лавлаги уруғи экилганидан 
сўнг, ердан униб чиққунига қадар, бир йиллик бошоқли ва икки 
паллали бегона ўтларга қарши дуал голд гербицидидан гектарига 1,6 
литр сарфлаб ишлов берилади. Лавлаги 2 та чинбарг чиқарганидан 
сўнг эса юқоридаги бегона ўтларга қарши дуал голд гербицидидан 
гектарига 0,6-0,8 литр сарфланади. 
Лавлаги 2 та чинбаргини чиқарганидан то илдиз меваси 50 
фоизгача етилгунига қадар бир ва икки йиллик бегона ўтларига 
қарши Виктор гербицидидан гектарига 1,0-1,5 литр сарфлаб, 2-3 
маротаба ишлов берилади.
Агар лавлагини шундан кейин ҳам бегона ўт босиши хавфи 
бўлса, илдиз мевалар 50 фоиз етилганидан кейинги даврда то пишиб 
етилгунига қадар, Фюзилат форте гербицидидан гектарига 0,75-2,0 
литр сарфлаб ишлов берилади. 
 
 

---

ОҚ БОШ КАРАМ ЕТИШТИРИШ 
Навлари: Оқ бош карамнинг Бухарест F
1
, Вестри F
1
, Лион F
1
дурагайларини тўқсонбости усулида экиш тавсия этилади. 
Ушбу муддатда экиладиган дурагай (гибрид)лар уруғларни 
махсус кассета ёки стаканларда тайёрлаб экиб етиштириш лозим. 
Кўчатларни иситилмайдиган кўчатхонада ёки очиқ майдонда тайёрлаш 
мумкин. 
Кўчатни озиқлантиришда ҳар 10 литр сувга 13-15 грамм азотли; 18-
25 грамм фосфорли ва 15-20 грамм калий ўғитлари солиниб эритилади 
ва ушбу эритма ҳар 3-3,5м
2
майдондаги кўчатларни озиқлантириш учун 
сарфланади. 
Карам кўчатлари иккинчи марта очиқ майдонга экишдан 15-18 кун 
олдин озиқлантирилади. Бунда 10 литр сувга маданий ўғитлар 
миқдори икки марта кўпроқ солиниб амалга оширилади. 
Тайёр бўлган карам кўчатларининг ёши 40-45 кунлик ва узунлиги 
ўртача 14-16 см. ва барглар сони 6-7 тадан бўлганда очиқ майдонга 
экилади.