Ўзбекистон миллий университети ҳузуридаги илмий даражалар берувчи dsc

Диссертация тадқиқотининг диссертация бажарилган олий таълим 
муассасасининг илмий тадқиқот ишлари режалари билан боғлиқлиги. 
Диссертация тадқиқоти Ўзбекистон Миллий университети илмий тадқиқот 
ишлари режасига мувофиқ «Миллий иқтисодиѐтни модернизациялаш ва 
барқарор иқтисодий ўсишни таъминлашнинг концептуал асосларини 
такомиллаштириш» мавзусидаги илмий тадқиқот доирасида бажарилган. 
Тадқиқотнинг мақсади инновацион иқтисодиѐтнинг шаклланиши 
шароитида меҳнат бозорининг амал қилиш механизмини такомиллаштиришга 
қаратилган илмий таклиф ва амалий тавсиялар ишлаб чиқишдан иборат.
Тадқиқотнинг вазифалари қуйидагилардан иборат: 
инновацион иқтисодиѐтнинг шаклланиши билан боғлиқ концептуал 
қарашлар моҳиятини ѐритиш;
меҳнат бозори категориясига бағишланган илмий қарашлар эволюциясини 
қиѐсий жиҳатдан илмий таҳлил этиш ва мустақил такомиллашган муаллифлик 
таърифини ишлаб чиқиш; 
мамлакатда шаклланган меҳнат бозорининг ҳолатини баҳолаш, унинг 
таркиби ва ривожланиш тенденцияларини аниқлаш; 
ѐшларнинг меҳнат бозорининг алоҳида бир субъекти сифатидаги ўрнини 
баҳолаш ва улар бандлигининг ижтимоий-иқтисодий жиҳатлари моҳиятини 
ѐритиш; 
норасмий меҳнат бозорининг амал қилиш механизми қонуниятларини 
аниқлаш; 
мамлакатдаги норасмий меҳнатда бандликнинг меҳнат бозоридаги ўрнини 
баҳолаш; 
меҳнат миграциясининг меҳнат бозорига таъсирини аниқлаш орқали уни 
тартибга солишга қаратилган илмий таклифлар ишлаб чиқиш; 
Ўзбекистон Республикасида меҳнат бозорининг амал қилиш механизмини 
такомиллаштиришга қаратилган инновацион моделлар ва ўрта муддатли даврга 
мўлжалланган муқобил сценарийларни ишлаб чиқиш. 
Тадқиқотнинг объекти Ўзбекистон Республикаси меҳнат бозори ва 
ундаги иқтисодий жараѐнлар ҳисобланади.
Тадқиқот предмети меҳнат бозорининг шаклланиши, амал қилиши ва уни 
такомиллаштириш жараѐнида вужудга келадиган ижтимоий-иқтисодий 
муносабатлар мажмуасидан иборат.