Ўзбекистон Республикаси Илмий-техникавий ва тиббиёт ҳужжатлари марказий давлат архиви

Корхона ва ташкилотларнинг тегишли давлат архивлари билан келишиладиган ички норматив ҳужжатлари ва уларнинг ҳуқуқий асослари

• Иш юритиш йўриқномаси (ВМнинг 30.10.1999 йилдаги 482-сонли қарори 1-иловаси билан тасдиқланган Ўзбекистон Республикаси Миллий архив фонди тўғрисида НИЗОМнинг 10-банди)
• Йиғмажилдлар номенклатураси (ВМнинг 29.03.1999 йилдаги 140-сонли қарори 2-иловаси билан тасдиқланган Намунавий иш юритиш йўриқномасининг 56-банди)
• Эксперт комиссияси Низоми (ВМнинг 29.03.1999 йилдаги 140-сонли қарори 2-иловаси билан тасдиқланган Намунавий иш юритиш йўриқномасининг 68-банди)
• Идоравий архив тўғрисида Низом (ВМнинг 30.10.1999 йилдаги 482-сонли қарори 4-иловаси билан тасдиқланган Ўзбекистон Республикаси Давлат ҳокимияти ва бошқаруви органлари, корхоналар, муассасалар ва ташкилотлардаги идоравий Архив тўғрисида НАМУНАВИЙ НИЗОМнинг 10-банди)

Асосий тушунчалар

• Идоравий архив: Юридик шахснинг архив ҳужжатларини жамлаш, ҳисобга олиш, сақлаш ва улардан фойдаланишни амалга оширувчи таркибий бўлинмаси.
• Архив ҳужжатларини идоравий сақлови: Меъёрий ҳужжатлар билан белгиланган вақт давомида муассаса, ташкилот архив ҳужжатларининг идоравий архивда сақлови.

Архивда сақланиши лозим бўлган ҳужжатларнинг таркибига кўра қуйидаги архивлар ташкил этилиши мумкин:

• Бошқарув ҳужжатлари;
• Илмий-техника ҳужжатлари;
• Аудиовизуал ҳужжатлари;
• Электрон ҳужжатлари.

Идоравий архивнинг бош вазифаларига қуйидагилар киради:

• архив тўғрисидаги Низомда кўзда тутилган ҳужжатлар таркиби билан жамлаш;
• ҳужжатларни ҳисобга олиш, сақловини таъминлаш;
• архив ҳужжатларига илмий-маълумотнома аппаратини яратиш;
• ҳужжатлардан фойдаланиш;
• “ЎзР МАФ тўғрисида Низом” асосида белгиланган талаблар ва муддатларга мувофиқ ЎзР МАФга тааллуқли ҳужжатларни доимий сақловга тайёрлаш ва топшириш;
• Ташкилотда иш юритишнинг йўлга қўйилиши ва архив ҳужжатларининг сақлови таъминланиши, шу жумладан қуйи ташкилотларда иш юритишдаги ҳужжатларни ташкил этиш ва архив иши бўйича услубий раҳбарликни ва текширувларни амалга ошириш;
• Идоравий архивга ҳужжатларни топшириш муддатлари ва топширувчи ташкилотларнинг рўйхатини аниқлаб бориш.