Ўзбекистон республикаси инновацион ривожланиш вазирлиги муҳаммад ал-хоразмий номидаги тошкент ахборот технологиялари университети

ЎЗБЕКИСТОН РЕСПУБЛИКАСИ ИННОВАЦИОН РИВОЖЛАНИШ ВАЗИРЛИГИ

МУҲАММАД АЛ-ХОРАЗМИЙ НОМИДАГИ ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ

ТАЯНЧ ДОКТОРАНТУРА ВА ДОКТОРАНТУРАГА ҚАБУЛ КВОТАСИНИ ШАКЛЛАНТИРИШ ДАСТУРИЙ ТИЗИМИ БЎЙИЧА ЎҚУВ СЕМИНАРИ

МАТЕРИАЛЛАРИ

Тошкент -2019 й.

Ушбу қўлланмада таянч докторантура ва докторантурага қабул квоталарини шакллантиришда, Ўз Р Инновацион ривожланиш вазирлиги, ЎзР Молия вазирлиги, Вазирликлар, Ўз Р Фанлар академияси, Олий таълим муассасалари (ОТМ) ва Илмий тадқиқот институтлари (ИТИ) да иш юритишда фойдаланиладиган тизим ҳақида маълумотлар берилган.

ҚИСҚАРТМАЛАР

Қисқа номи	Тўлиқ номи
ЎзР ИРВ	Ўзбекистон Республикаси Инновацион Ривожланиш вазирлиги
ЎзР ОЎМТВ	Ўзбекистон Республикаси Олий ва ўрта махсус таълим вазирлиги
ЎзР ССВ	Ўзбекистон Республикаси Соғлиқни сақлаш Вазирлиги
Ўз Р ФА	Ўзбекистон Республикаси Фанлар академияси
ОТМ	Олий таълим муассасаси
ИТИ	Илмий тадқиқот институти
АИЎ	Автоматлаштирилган ишчи ўрни

Докторантурага қабул квотасини шакллантириш дастурий тизими

Дастурий тизим мақсади Докторантурга қабул квоталарини шакллантиришда, Ўз Р Инновацион ривожланиш вазирлиги, ЎзР Молия вазирлиги, Вазирликлар, Ўз Р Фанлар академияси, Олий таълим муассасалари(ОТМ) ва Илмий тадқиқот институтлари (ИТИ) да докторантурага қабул квотасини шакллантиришдаги иш юритиш жараёнини самарали ташкил этишдан иборат.

Докторантурага қабул квотасини шакллантириш дастурий тизими вазифалари қуйидагилардан иборат:

1. 
   ОТМ (ИТИ) ларда қабул квотаси ҳақидаги маълумотларни электрон тарзда шакллантириш ва тегишли вазирликка жўнатишни амалга ошириш;
   
2. 
   Таркибида ОТМ ва ИТИлар мавжуд бўлган Вазирликларда ОТМлардан келган қабул квоталари ҳақидаги маълумотларни таҳлил қилиш асосида уларни қабул қилиш ёки ОТМга зарурий ўзгартиришлар тўғрисида хат ёзиш;
   
3. 
   ЎзР Инновацион ривожлантириш вазирлигида Вазирликдаги квоталар бўйича маълумотларни таҳрирлаш асосида Вазирликларга квотани қайта таҳрирлаш бўйича хат чиқариш;
   
4. 
   ЎзР Инновацион ривожлантириш вазирлигида Вазирликлардан келган квоталар тўғрисида маълумотларни умумлаштирган ҳолда ЎзР Молия вазирлиги учун квота тўғрисида хат тайёрлаш;
   
5. 
   ЎзР Молия вазирлигида ЎзР ИРВ квота тўғрисидаги маълумотлари асосида ОТМ(ИТИ)лар учун квоталарни молиялаштириш бўйича маълумотларни қабул қилиш;
   
6. 
   ЎзР ИРВ, ЎзР Молия Вазирлиги, Вазирликлар, ЎзР ФА, ОТМ (ИТИ)лар учун докторантурага квота бўйича тегишли ҳисоботларни шакллантириб бериш.