Ўзбекистон республикаси олий ва ўрта махсус таълим вазирлиги бухоро бухоро давлат университети

Табий газнинг кимёвий таркиби ва уларнинг ишлатилиши
Табиий газдан дастлаб фақат енергия манбаи сифатида фойдаланиб келинган. Табиий газни кимёвий қайта ишлаш еса фан ва техниканинг улуғвор ютуқларидан бири ҳисобланади. Табиий газларнинг кимёвий хом ашё сифатида қиймати шундаки, уларнинг таркибида кўп миқдорда метан–углеводо­род бор. Масалан, Бухоро конидан олинадиган табиий газ таркибида 98 % га яқин метан борлиги аниқланган. Яқин вақтларгача табиий газлар инерт бирикмалар ҳисобланиб келингани учун улардан кимё саноатга фойдаланилмас эди. Метан ва унинг гомологларининг реакция xоссаси яхши емас деб ҳисобланарди. Бироқ катализаторлардан кэнг чуқур ва ҳар тарафлама ўрганиш уларни оксидлаш парчалаш, хлорлаш, нитриллаш ва бошқа реакция натижасида мажбур қилиш имконини берди.
Метаннинг энг истиқболли кимёвий қайта ишлаш жараёнларидан бири унинг оксидланишидир.

Формальдегид олишнинг бу бевосита усули жуда қулай бўлганлиги сабабли ҳозирги вақтда кэнг фойдаланилмоқда. Метандан формальдегид ажратиб олиш мумкинлигини дастлаб академик С.С. Медведев кашф қилган эди. Академик Н.Н.Семёнов углеводородларнинг занжирли оксидланиш назариясини яратди. Шу назария асосида формальдегид олишнинг янги усулини ишлаб чиқди.
Бу усул қўлланилганда тaпкибидa 0,1 % азот оксидлари бўлган метан–ҳаво аралашмаси 600–700 ⁰С қиздирилган реактордан тез ўтказилади. Бу усулда реакцияга киришган метандан ажралиб чиқадиган формальдегид 70 % ни ташкил етади. Формальдегид фаол кимёвий бирикма, у бошқа моддалар билан осон реакцияга киришади шу туфайли ҳам формальдегид органик синтезнинг бебахо ярим маҳсулотига айланиб қолди. Формальдегид асосида мочевина–формальдегид, фенол–формальдегид смолалари, янги полимер–поли–формальдегид, органик буёклар, дори ва антисептик препаратлар тайёрланади. Формальдегиддан фойдаланиш миқёси йил сайин кэнгайиб бормокда.
Яқин вақтларгача формальдегидни метил спиртини темирли ва кумушли катализаторлар таъсирида оксидлаш йўли билан олиш асосий усул ҳисобланарди. Бу усулни М. И. Кузнецов, Е. И. Орлов ишлаб чиқган эдилар.

Бундай усул қўлланилганда асосий хом ашё сифатида метил спирти ишлатилади. Метил спирти оксидланганда 90 % формальде­гид олинади. Бироқ, углерод ва водород оксидини коксдан олиш харажатларининг кўплиги метил стиртининг анча вақтгача жуда қиммат туришига сабаб бўлди. Ҳозирги вақтда углерод оксиди ва углерод табиий газ – метандан олинади. Бу усулда олинган формальдегиднинг таннархи икки баравар арзондир. Ҳозиги вақтда метил спирти ва формальдегидни табиий газидан олинади.


а) формальдегид феноль–формальдегид смола ишлаб чиқаришда фойдаланилмоқда. Мазкур смолани саноат усулида олиш усулини профессор Г.С. Петров ишлаб чиққан Бу смола “карболит” деб аталади.
Формальдегидни фенол ёки унинг гомологлари билан кўп марта конденсациялаш натижасида термопластик ёки термореактив фенол–формальдегид смолалар олинади.У ёки бу смоланинг пайдо бўлиши асосий моддаларнинг нисбатига боғлиқ. Термопластик фенол–формальдегид смоласи спиртда, ацетонда яхши ерийди. Эриш натижасида юпқа парда ҳосил қилади. Смоланинг бу хоссаси ундан табиий шелак ўрнида фойдаланиш имконини беради. Шу туфайли ҳам бу смолани янги лак деб ҳам аташади.
Полимерларнинг иккинчи типи формалдегидни кўпроқ қўшиш натижасида олинади ва резоль смолалари деб аталади.
б) Мочевина– формалъдегид смолалар пластмасса, елим, лак сифатида қатъий ўрнашиб олади. Улар фенол–формалъдегид смолалардан рангсизлиги, бўёқ қўшилгач турли хил рангга кириши билан фарқ қилади. Мазкур смолани тайёрлаш учун формалъдегид ва мочевина ишлатилади. Бу моддалар еса табиий газдан олинади. Мочевина–формальдегид смолалар олиш ва уни қайта ишлаш газдан фойдаланишнинг энг рационал йўлларидан биридир. Республикамизда ҳозирги кунда мочевина–формальдегид смоласини Чирчиқ електрокимё комбинатида ишлаб чиқарилмоқда.
Мочевина–формальдегид смолалар ўзининг қимматли техник хоссалари туфайли техникада кэнг фойдаланилмоқда. Улар рангсиз, нурга чидамли, қаттиқ, ҳидсиз, турли еритувчи суюқликларга чидамлидир.
Мочевина–формальдегид смолалар асосан қўйма ва прессланган пластмассалар, лаклар, ғовак материалар ишлаб чиқаришда қўлланилади. Улар електр ёйи таъсирида азот ва водород ажратиб чиқаради. Бу електр ёйини тезда учиради. Мочевина–формальдегиднинг бу ажойиб хислати електротехникада турли хил електр деталларини тайёрлашда фойдаланилади. Моче­вина–формальдегид смолаларнинг ёғоч қипиғи ва коғоз қўшиб, прессланган порошоклари энг кўп тарқалган Улардан, лампалар, турли хил идишлар, асбоблар, фото–радио деталлари, приёмниклар, телефонлар, ешик тутқичлари, пардозлаш плиталари ва бошқа шунга ўхшаш кэнг истеъмол буюмлари тайёрланади. Чиқиндига чиқган ўнлаб минг тонна ёғоч қипиғларига фенол–формальдегид смолалар сингдирилиб мебел саноатида фойдаланилиши мумкин. Фенол–формальдегид шимдирилиб прессланган қипиғ энг яхши навли ёғочникидан ҳам яхши плиталар ясашга ярайди.
Мочевина–формальдегид смоласининг яна бир хислати шундаки, ундан «мипора» деб аталган ғовак материаллар тайёрлаш мумкин. Бу материаллар вагонлар, кемалар, совутгич бошқаларни иссиқ, совуқ, товуш ва електр ўтказмайдиган қилади. Мочевина–фор­мальдегид смолаларнинг турли хил еритмалари ҳар хил газламаларга шимдириш учун ҳам ишлатилади. Шунда газламалар оқармайдиган, ғижимланмайдиган, яхши буяладиган ва чидамли бўлади.
Қуёшда ўз хоссасини йўқотмаслиги, турли хил буёқларга яхши қўшилиши мочевина–формальдегид смолалардан лак ва емаль тайёрлашда фойдаланиш имконини беради. Бу смолалардан тайёрланган лак ва емаллар аниқ ишлайдиган асбоблар, машина ва механизмлар, музлатгичлар, радио ва телевизион қурилмаураларни юпқа парда билан қоплашда фойдаланилади.
Кейинги вақтларда мочевина-формальдегид смолалардан фойдаланиш-нинг энг йирик соҳаси бунёдга келмоқда. Маълум бўлишича, ерга фақат минерал ўғитларгина емас, балки полимер ўғитлар ҳам солиниши лозим екан. Бу тупроқ ва ўсимликларга яхши таъсир қилар екан.
Мочевина бундан ташқари чорвачилик учун ҳам зарур озуқа моддасидир. Таркибида азот сақлайдиган бундай озуқалар билан боқилаётган чорво молларнинг маҳсулдорлиги анча ошади.
Формальдегиддан антисептик моддалар сифатида фойдаланиш мумкин. Уротропин, меламин ва анилин–формальдегид смолалари олишда, кимёвий толаларни «боғловчи» сифатида ишлатиш мумкин. Табиий газдан олинадиган формальдегид ва мочевина ишлаб чиқариш йилдан–йилга ошиб бормокда.