Назорат ва мулоҳаза учун саволлар
1. Маркетингни асосий тамойилларини қисқача тушунтириб беринг?
2. Маркетингни асосий вазифалари нимлардан иборат?
3. Маркетингни асосий функцияларини тушунтириб беринг?
4. Талабнинг ҳолатига кўра ва бозорни ривожланишига кўра маркетингни қандай турларини биласиз?
5. Синхромаркетинг мазмунини тушунтириб беринг?
3-МАВЗУ. МАРКЕТИНГ ТАДҚИҚОТЛАРИ ВА АХБОРОТЛАРИ ТИЗИМИ
Режа:
Маркетинг тадқиқотлари ва маркетинг тадқиқотлари тизими
Маркетингда ахборотни ўрни. Ахборот тизими
Ахборот турлари ва уларни туркумлаш
Ахборотни тўплаш услублари
Тўпланган ахборотларни таҳлил қилиш ва қайта ишлаш
Маркетинг тадқиқотларининг йўналишлари ва услублари
Замонавий маркетинг асосларидан бири Ф.Котлернинг таърифи бўйича: “Маркетинг тадқиқотлари деб, турли йўналишларни тизимли равишда тайёрлаш ва ўтказиш, компания олдига қўйилган аниқ маркетинг вазифасига мос бўлган натижа ва хулосаларга эга бўлиш учун олинган маълумотларни таҳлил этиш жараёни” тушунилади.
Ўрганилаётган фаннинг асосий америкалик олимларидан Нэреш К.Малхотра “Маркетинг тадқиқотлари” амалий қўлланмасида қуйидаги ёндашувни келтирган: “Маркетинг тадқиқотлари деб, маркетинг муаммолари(имкониятлари)ни мослаштириш ва ечимларининг самарадорлигини ошириш учун ахборотларни тизимли ва объектив равишда аниқлаш, тўплаш, таҳлил қилиш, тарқатиш ва фойдаланиш”, деб эътироф этилган.
Россия олимларидан Е.П.Голубков қуйидаги ёндашувни таъкидлаб ўтган: “Маркетинг тадқиқотлари – маркетинг фаолиятининг турли кўринишларидаги маълумотларни тизимли равишда тўплаш, акс эттириш ва таҳлил этиб, маркетологларни бозорлар, истеъмолчилар, рақобатчилар, маркетингнинг бошқа ташқи муҳит элементлари билан ахборот орқали боғлашдан иборатдир”3.
Маркетинг тадқиқотлари – маркетинг фаолиятини тизимли тўплаш, қайта ишлаш, изоҳлаш ва турли жиҳатлар бўйича маълумотларни таҳлилидир.
Маркетинг тадқиқотларининг вазифалари қуйидагилардан иборат:
Do'stlaringiz bilan baham: |
