8-мавзу. Тайёр маҳсулот (иш, хизмат)лар ишлаб чиқариш сотишни ҳисобга олиш Харажатлар тушунчаси уларни туркумлаш

---

8-мавзу. Тайёр маҳсулот (иш, хизмат)лар ишлаб чиқариш сотишни ҳисобга олиш 
1. Харажатлар тушунчаси уларни туркумлаш 
Одатда харажатлар деганда истеъмол қилинган ресурслар ёки товарлар ва хизматлар учун тўлаш лозим 
бўлган пул тушунилади. Бошқариш учун менежерларга шунчаки харажатлар эмас, балки бирор нарсага 
(маҳсулотга, унинг туркумига, хизматга) чиқимлар тўғрисидаги, яъни «харажатлар ҳисоби объектига» 
чиқимлар тўғрисидаги ахборот зарур.  
Харажатлар – маълум мақсадларда фойдаланилган ресурслар ҳажмининг пулдаги ифодаси. 
Харажатларнинг мақсади - харажатлари алоҳида ўлчанадиган ҳар қандай фаолиятдир. Маҳсулот, цех, 
савдо ҳудуди ёки аниқлаш мумкин бўлган ҳар қандай фаолият бунга мисол бўла олади.
а) Маҳсулотга тегишли харажатлар ва давр харажатлари  
Маҳсулотга тегишли харажатлар тайёр маҳсулот ишлаб чиқариш билан боғлиқ. Бу харажатлар 
заҳиралар қийматига киритилади. Маҳсулотга тегишли харажатларга асосий материалларни, асосий меҳнатни 
ва ишлаб чиқаришга устама сарфларни киритишади.  
Асосий материаллар – хом-ашё ва материаллар, улар тайёр маҳсулотнинг қисмига айланади.  
Асосий меҳнат барча ишчи кучи харажатларини ўз ичига олади, уларни бевосита тайёр 
маҳсулотларнинг маълум турига тежаб қўшиш мумкин.  
Умумий ишлаб чиқариш харажатлари – (ишлаб чиқариш устама харажатлари) – булар маҳсулот 
ишлаб чиқаришга сарфланган асосий материаллар ва асосий меҳнатдан ташқари барча харажатлардир, яъни 
ишлаб чиқариш билан боғлиқ бўлган, лекин тайёр маҳсулотнинг аниқ бир турига тегишли деб бўлмайдиган 
турли сарф-харажатларнинг йиғиндисидир.
Давр харажатларига улар пайдо бўлган даврда қилинган, лекин заҳиралар қийматига қўшилмайдиган 
сарфлар киради. Давр харажатларига сотиш харажатлари ва маъмурий харажатлар киради.