Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти к. Б. Уразов, Н. У худайбердиев

(ФДч) =	Фоиз ва дивиденд кўринишидаги харажатлар (ФДч)
+ Фоиз ва дивидендлар бўйича кредиторлик қарзларнинг камайиши (-Кқ) - Фоиз ва дивидендлар бўйича кредиторлик қарзларнинг кўпайиши (+Кқ)

Иккинчидан, молиявий фаолият бўйича пул тушумлари бевосита пул маблағлари счётлари дебетида акс эттирилган олинган кредит ва қарзлар, қимматли қоғозларни чиқаришдан тушумларни ифодаловчи ёзувлар суммалари асосида аниқланади.
Учинчидан, молиявий фаолият бўйича пул чиқимлари бевосита пул маблағлари счётлари кредитида акс эттирилган олинган кредит ва қарзлар, қимматли қоғозлар қийматини қайтарилишини ифодаловчи ёзувлар суммалари асосида аниқланади.
Бевосита усулда пул оқимлари тўғрисидаги ҳисобот қуйида келтирилган шакл ва мазмунда тузилади (15.8-жадвалга қаранг).
15.8-жадвал
ПУЛ ОҚИМЛАРИ ТЎҒРИСИДА ҲИСОБОТ
(бевосита усул)
Минг сўмда

Фаолият турлари	Кирим (+)	Чиқим (-)
Асосий фаолият:
Харидорлардан тушум	450000
Таъминотчиларга тўловлар		300000
Тўланган операцион харажатлар		50000
Фойда солиғи бўйича тушум ва тўлов		35000