Œзбекистон республикаси

Хромлигносульфонатли эритмалар

Хромлигносульфонатли эритмалар – бу гил эритмалар, хромлигносульфонатли реагентлар (окзил, ФХЛС ёки кўрсатилган реагентлар ва кмЦ, м-14, метас, гипан, полимерлар уйғунлигида ҳосил бўлади. Бу эритмалар гилли ва аргилит қатламларини юқори даражали хароратда бурғилаш учун мўлжалланган. Гуматли ва лигносульфонатли эритмаларга қараганда бу эритмаларнинг, қуюлиб қолиши юқорироқ хароратда (180⁰с) содир бўлади ва шу билан фарқланади.

Энг яхши самара 9-10 рН бурғилаш эритмасида етишади. 1м³ эритмани фақат хромлигносульфонатли реагентлар (қуруқ махсулот хисобида) асосида тайёрлаш учун (кгда) гил 80-200кг, 10-20 кг окзил (ёки ФХЛС), 40-30 кг КССБ-4, 2-5 кг NaОН, 0,5-1 кг Na₂Cr₂O₇ ёки K₂Cr₂O₇, 3-5 кг кўпик йўқотувчи, 940-900 кг сув, оғирлаштиргич керакли зичликдаги эритма ҳосил қилгунча қушилади.

Эритма кўрсаткичлари: зичлик 1,03-22г/см³, шартли қовушқоқлик 25-60с, сув ажратиш кўрсаткичи 3-6 см³/30 мин, СНС₁=1860 дПа, рН=89.

Полимер дисперсияланмайдиган бурғилаш эритмаси

Полимер дисперсияланмайдиган бурғилаш эритмалари – бу сув асосидаги эритмага, юқори молекуляр (акрилат, полисахарид) полимерлар ва оз миқдордаги бентонит қўшилиши ёки қўшилмасдан тайёрланадиган эритмалардир.

Бу эритмалар бурғиланаётган тоғ жинси қатламларини диспергациялашишини олдини олади ва эритмадаги гил миқдори камлиги билан характерланади, бу эса ўз навбатида бурғилаш тезлигини юқори бўлишини таъминлайди.

Полимер дисперсияланмайдиган эритмаларни иссиқликка чидамлилиги қўлланилган полимерларга боғлиқ. Акрил полимерлар асосидаги эритмалар иссиқликка энг чидамлилигидир (250⁰С гача).

Полимер дисперсияланмайдиган эритмалар асосан эксплуатацион қудуқларида ишлатилади, гил миқдори кўп бўлган ҳамда (80% гача) юқори коллоидал, қаттиқ, турғун гилли – карбонат кесишмаларида ва маҳсулдор қатламларни очишда қўлланилади.

Полимер эритмалар гилсиз бўлиши мумкин. Ушбу эритмалар сувга ва полимер қўшилиши билан ҳосил бўлади ва сувнинг реологик хусусиятини яхшилайди ва бурғиланаётган тоғ жинсларини қудуқ юзасига олиб чиқишни яхшилайди.

1 м³ полимер дисперсияланмайдиган кам миқдордаги гилли юқори-коллоид эритма ҳосил қилиш учун (кгда): 40-50кг гил, 4-5 кг (КМЦ, М-14, метас) полимерлар 810-850 кг сув, 25-50 кг (5% ли) ПАА эритмаси, оғирлаштиргич керакли зичликли эритма ҳосил қилинмагунча қўшилади.

Эритма кўрсаткичи: зичлик 1,03-2 г/см³, шартли қовушқоқлик 2060 с, сув ажратиш кўрсаткичи 5-8 см³/30 мин, СНС₁=1260 дПА, СНС₁₀=2490 дПА, рН=89.

Полимер дисперсияланмайдиган эритманинг асосий кўрсаткичлари-дан бири – бу гил миқдори кам бўлган фаза, миқдори 1,5-2% дан ошиши керак эмас. 1м³ гилсиз эритма тайёрлаш учун: 975-970л сув ва 25-30 кг (8 % ли) ПАА керак.