|
18-modda. Nazorat ostidagi shaxslarning qidiruvi
Nazorat ostidagi shaxs yashash joyini o‘zboshimchalik bilan tark etganda, shuningdek
jazoni ijro etish muassasalaridan ozod qilish chog‘ida ma’muriy nazorat o‘rnatilgan hollarda
yashash joyiga belgilangan muddatda uzrli sabablarsiz yetib kelmaganda ichki ishlar organi
nazorat ostidagi shaxsning turar joyi va yetib kelmaslik sabablarini aniqlash choralarini
ko‘radi.
Oldingi tahrirga qarang.
Nazorat ostidagi shaxsning qayerdaligi aniqlanmagan taqdirda ichki ishlar organi
nazorat ostidagi shaxsning turar joyi va yetib kelmaslik sabablarini aniqlash bo‘yicha ko‘rilgan
choralar haqidagi hujjatlar (dalolatnoma, fuqarolarning yozma ko‘rsatuvlari, ichki ishlar organi
xodimining bildirgisi) bilan birga sudga unga nisbatan qidiruv e’lon qilish zarurligi to‘g‘risida
taqdimnoma yuboradi.
(18-moddaning ikkinchi qismi O‘zbekiston Respublikasining 2020-yil 28-sentabrdagi O‘RQ-638-sonli
Qonuni tahririda — Qonun hujjatlari ma’lumotlari milliy bazasi, 28.09.2020-y., 03/20/638/1333-son)
Nazorat ostidagi shaxsga nisbatan qidiruv e’lon qilish zarurligi to‘g‘risidagi taqdimnoma
sud tomonidan besh kunlik muddatda ko‘rib chiqiladi.
Nazorat ostidagi shaxsga nisbatan qidiruv e’lon qilish to‘g‘risida sud tomonidan qaror
qabul qilinadi.
Nazorat ostidagi shaxslarning qidiruvi ichki ishlar organlari tomonidan amalga
oshiriladi.
Do'stlaringiz bilan baham: | 
