Ўзбекистонда ўзимни чет эллик деб ҳис қилмайман

“Ўзбекистонда ўзимни чет эллик деб ҳис қилмайман” – Самарқанддаги университетнинг туркиялик ректори доктор Чидем Жанбай Туркйилмаз

Фото: Самарқанд давлат архитектура-қурилиш институти
Доктор Чидем Жанбай Туркйилмаз хоним 2021 йилдан буён Мирзо Улуғбек номидаги Самарқанд давлат архитектура-қурилиш университети ректори лавозимида фаолият юритиб келмоқда. Яқинда турк нашрларидан бирида Туркйилмаз хоним билан унинг Ўзбекистондаги меҳнат фаолияти, мамлакатда олий таълимни ривожлантириш бўйича режалари ҳақида суҳбат эълон қилинди.
Ўзбекистонга илк бор қачон келгансиз?
Ўзбекистонга биринчи марта 2021 йилнинг март ойида, иккинчи марта июнда келганман. Шундан сўнг 2021 йилнинг сентябр ойидан бошлаб Самарқанд давлат архитектура-қурилиш институти ректори лавозимида фаолият бошладим. Шу билан бир вақтда Туркиянинг Йилдуз техника университети Архитектура факультети профессори ҳам ҳисобланаман.