Иқтисодий ўсишнинг локомотивлари. Сўнгги йилларда мамлакатимиз иқтисодиётини ривожлантириш борасида қўлга киритилган натижалар халқаро жамоатчилик ва кузатувчилар Халқаро валюта жамғармаси, Жаҳон банки, Осиё тараққиёт банки ва бошқа нуфузли халқаро молия ташкилотлари томонидан юксак баҳоланмоқда.
Жумладан, Халқаро валюта жамғармасининг кейинги баҳолаш миссияси баёнотида бундай дейилади: «Ўзбекистон жадал ўсишга эришди ва глобал молиявий инқирозга қарши самарали чоралар кўрди. Кейинги 9 йилда Ўзбекистонда ўсиш суръатлари ўртача 8,0 фоиздан ошиб келмоқда ва бу Марказий Осиёдаги ўртача ўсиш кўрсаткичидан юқоридир.
Қатор йиллар давомида кузатилган бюджет профицити, расмий захиралар даражасининг юқорилиги, давлат қарзининг камлиги, барқарор банк тизими ва халқаро молия бозорларидан қарз олишга эҳтиёткорлик билан ёндашиш мамлакатни глобал инқирознинг бевосита оқибатларидан ҳимоя қилди.
Мамлакатимиз иқтисодиётининг ўтган йил натижаларини баҳолаганда, Халқаро валюта жамғармаси миссияси раҳбари Вероника Бакалу хонимнинг ушбу миссиянинг Ўзбекистонда 2012 йил ноябрь-декабрь ойларидаги иши натижалари бўйича билдирган фикрларини келтириш ўринли. Унинг таъкидлашича, «Ўзбекистон иқтисодиёти жадал суръатлар билан ўсмоқда. Солиқ-бюджет ва ташқи фаолият соҳаларидаги мустаҳкам позиция, банк тизимининг барқарорлиги, давлат қарзининг камлиги ва ташқаридан қарз олишга эҳтиёткорлик билан ёндашиш мамлакатни глобал инқирознинг салбий оқибатларидан ҳимоя қилди»3.
Асосий макроиқтисодий кўрсаткичларнинг ўсиш
суръатларининг ўзбек феномени (фоизда)4
Йиллар
|
Ялпи ички
маҳсулот
|
|
Do'stlaringiz bilan baham: |
