II BAP. «Trigonometriyalıq teńleme hám teńsizlikler» bólimin OQITIW metodikası
Kadrlar tayarlawdıń Milliy dástúrin ámelge asırıw processinde házirgi bilimlendiriw hám qániyge kadrlardı tayarlaw sistemaların ózgertiw, aldıńǵı pedagogikalıq tájiriybelerdi bilimlendiriw processiniń hámme basqıshlarına qollanıw, ilim, texnika, aldıńǵı texnologiyalar jetiskenliklerinen paydalanıw tiykarında oqıwshılardı tárbiyalaw, úzliksiz bilimlendiriw sisteması mekemeleriniń hámme forması hám túrlerinde aldıńǵı-metodikalıq bilimlerge tayanǵan halda ámelge asırıladı. Bunıń ushın hár bir oqıtıwshı óz pánin oqıtıwdıń eń nátiyjeli zamanagóy pedagogikalıq texnologiyaların puxta biliwi hám bull tarawdaǵı jańalıqlardı úzliksiz úyrenip barıw arqalı óz kásiplik tájiriybesin arttırıp barıwı talap etiledi.
Házirgi dáwir oqıtıw mazmunın reforma qılıw hám oqıtıw protsessiniń texnologiyalarında, oqıwshılar tárepine óz betinshe bilim hám tájiriybe toplawına úlken dıqqat awdarılǵan. Bilim dárejesi onıń kólemi menen emes, al ámeliy baǵdarı menen anıqalandı, ol degeni iyelegen bilimi boyınsha hár qıylı qıyınshılıqtaǵı mashqalardı sheshe alıwı. Demek bilimlendiriwdiń tiykarǵı máseleleriniń biri balanı házirgi zamanagóy xabar texnologiyaları dáwirinde jasawǵa tárbiyalaw bolıp esaplanadı. Bunda oqıtıwshınıń wazıypası oqıwshıda óz betinshe dóretiwshilik xızmetti rawajlandırıw. Bilimlendiriwdegi ózgerisler oqıtıwshılardan sabaq ótiw waqtında zamanagóy innovatsion texnologiyalardı engiziwdi talap etpekte.
İzertlewlerdiń kórsetiwinshe hár qanday halda sabaq processinde lekciya oqıtılatuǵın waqıt shama menen 20 minuttan aspawı kerek. Sebebi úyreniwdiń dáslepki 20 minutı eń nátiyjeli esaplanadı, 20 minuttan keyin oqıwshılarda úyreniwdi dawam ettiriw motivaciyası páseye baslaydı. Sonıń ushın oqıwshılardıń aktivligin, qızıǵıwshılıǵın saqlaw hám asırıw maqsetinde interaktiv metodlardı temanı tákirarlaw yamasa bekkemlew basqıshlarında qollanıw maqsetke muwapıq.
Do'stlaringiz bilan baham: |
