|
Birinshi dárejedegi testler – bunda xabardı ózlestiriw sıpatın qadaǵalaw ushın xızmettiń orınlanıwın biliwdi talap etiwshi testlerden paydalanıw kerek. Bunday testlerge baylanıslı tapsırmalar, obyektlerdi parıqlawǵa yamasa túsindiriwdi kózde tutadı.
Parıqlawǵa baylanıslı testler oqıwshıdan kórsetilgen yamasa túsindirilip atırǵan obyektlerge tiyisli yamasa tiyisli emesligin kórsetiwdi talap etedi. Mısalı: “Bul ásbap laboratoriya shınıǵıwların ótkeriw ushın zárúr esaplana ma?” Bunda oqıwshıǵa ásbaptıń materiallıq forması kórsetiledi yamasa onıń sóz benen (verbal) ańlatılǵan anıqlaması beriledi hám onıń nátiyjesinde “awa” yamasa “yaq” juwabı kútiledi. Birinshi dárejeli test xızmet shártine kóre belgilep alıw esaplanadı.
Belgilewge baylanıslı testler bir áhmiyetli ámel - “awa” yamasa “yaq”dan alternativin tańlaw talap etiledi. Birinshi dárejedegi testlerdiń jáne bir túri de bar, ol parıqlawǵa baylanıslı testler yamasa olardı jáne “tańlap alınıwshı” testler dep te atalıp, bul testler júdá quramalı. Testlerdiń bul túri bilip belgilewge baylanıslı testlerden sonıń menen parıqlanadı, bunda ámeldi orınlaw juwaplardıń izbe-iz qasında turǵan variantları jaratılıp atırǵan juwaplar bir tárepte durıs sheshimdi tańlawdı qıyınlastıradı.
Solay etip, parıqlawǵa baylanıslı birinshi dárejeli testler degende test dúziwdiń sonday metodikası túsiniledi, bunda tapsırmanı orınlaw ushın oqıwshı múmkin bolǵan juwaplardan birewin yamasa bir neshe sheshimdi tańlap alıwı jeterli. Bunda juwaptıń ózi testte bar boladı. Oqıwshınıń juwaplardı kórip shıǵıw procesinde testte qoyılǵan mashqalanı sheshiw poziciyaların tańlap alıwı názerde tutıladı.
Do'stlaringiz bilan baham: | 
