Ózbekstan respublikasí joqarǵi bilimlendiriw, PÁn hám innovaciyalar ministrligi

Keys stady metodın 6-klass Informatika sabaǵında “Kompyuterdiń tiykarǵı hám qosımsha qurılmaları” temasında qollanıw.
Keys-stady interaktiv metod bolǵanı sebepli tıńlawshılar tárepinen oǵan salıstırǵanda unamlı munásibet bolıwına erisiledi, olar bul metodtı oqıw informaciyasın ózlestiriw hám odan paydalanıw maydanınan ámeliy kónlikpelerdi támiyinleytuǵın ámeliy qollanba (praktikum) retinde qabıl etedi.
Keys-stadi metodınıń ulıwma xarakteristikası bul metodtıń mánisi, belgileri hám didaktik ayriqsha qásiyetlerin óz ishine aladı. Olardı qısqasha kórip shıǵamız.
Keys-stadining mánisi sonnan ibarat, kórip shıǵılıp atırǵan mashqalalı jaǵday boyınsha máslahátshiler rolin orınlawı kerek bolǵan tıńlawshılarǵa tómendegiler usınıs etiledi:
-keysda bayanlanǵan áyne bir waqıtta shólkemlestirilgen turmıstaǵı tipik ámeliy mashqalanı sáwlelendiretuǵın hám ámeliyatta bul mashqalanıń hal etiliwinde ózlestiriliwi hám qollanılıwı kerek bolatuǵın arnawlı bir bilimler kompleksin aktuallastıratuǵın jaǵdaydı aqıl etiw hám analizden ótkeriw;
-mashqalalı jaǵdaydı maqsetke muwapıq tárizde hal etetuǵın usıllar hám qurallardı izlew;
-usınıs etilgen alternativ tárep (alternativ) lerdi bahalaw hám olar arasından qoyılǵan mashqalaǵa salıstırǵanda eń qolay variantın tańlaw ;
-saylanǵan alternativ usıl (alternativ) dı ámelge asırıw boyınsha anıq sheshimdi pútkil tolıq maǵlıwmatlar menen islep shıǵıw.
Keys-stadi tálim metodı retinde tómendegi didaktik ayrıqshalıqlarǵa iye:

Keysda usınıs etilgen anıq jaǵday tálimniń haqıyqatlıq penen óz-ara baylanısın támiyinleydi, sebebi ol kelesidegi kásiplik iskerlik ushın tipik mashqalalardi sáwlelendiredi. Bunda úyreniw procesi óz mánisine kóre, real turmıstaǵı sheshim qabıllaw mexanizmin ańlatadı.

Keys odan paydalanıwshıǵa mashqalalardi analiz etiw, birdeylestiriw hám sheshiw jolların izlewde erkinlik beredi.
Keysdi kórip shıǵıwda tıńlawshılar tálim procesiniń shólkemlestiriwshilerine aylanadı hám bir-birleri menen óz-ara tatıw háreket qılıw arqalı real kommunikastion jaǵdaylardı ańlatadı (mısalı, bank-kárxana ).
Tálim alıwshılar anıq jaǵdaydı kórip shıǵıw processinde arnawlı bir ulıwmalasqan, konsteptual kóriniske iye bilimdi qáliplestiriwge iye boladı hám áyne bir waqıtta ápiwayı ulıwmalastırıw ilimiy tájriybelerin asıradı.
Ámeliy jaǵdaylarǵa tiykarlanǵan shınıǵıwlar teoriyalıq tayarlıq dáwirinde alınǵan bilimler, sonıń menen birge tıńlawshılardıń óz ilimiy tájriybe hám uqıplarınan paydalanıw hám ámelde qollanıwǵa jóneltiriledi.
Keys penen islew nátiyjeleriniń ǵalabalıq usınıs etiliwi prezentaciyalar ótkeriw hám baspasóz ánjumanlarında qatnasıw : informaciyanı qısqasha, logikalıq jaqtan hám kórgezbeli tárizde usınıw, sorawdı ańlatpalay biliw hám juwaptı dálillew ilmiy tájriybelerin payda etiwge kómeklesedi.
Keys-stady tálimniń basqa metodlarınan ayrıqsha túrde tek ǵana tálim beriw hám trening, usınıń menen birge diagnostik qadaǵalawshılıq funkstiyaların da atqaradı.
Tıńlawshı imtixan aldınan keysti alıwı - onı sheshiwi hám ámeliy jaǵday analizin hám de onı sheshiwge tiyisli usınısların jazba jumıs formasında usınıwı múmkin.

Keys tıńlawshılarǵa tikkeley imtixan waqtında usınıs etiliwi de múmkin. Lekin bunday halda ol talay qısqa bolıwı, maqsetleri bolsa olardı tıńlawshı belgilengen waqıt dawamında sheshiwge úlgeretuǵın jaǵdayda bolıwı kerek.

Tıńlawshılardıń oqıw páni boyınsha auditoriyadan sırtta atqarılatuǵın ózbetinshe jumısı keyslar gruppasınıń sheshimin óz ishine alıwı múmkin. Nátiyjelerdiń grafikke qaray jazba usınıs etiliwi (múddetler oqıw jobası hám tálim programmasına muwapıq belgilenedi) oqıw informaciyalarınıń ózlestiriliwi, bul kurs boyınsha mámleket tálim standartları (DTS) na kóre názerde tutılǵan ilmiy tájriybe hám kónlikpelerdi operativ baqlaw hám bahalawǵa múmkinshilik beredi.